गुफामा पन्ध्र वर्षदेखि झाँक्रीद्वारा बन्धक बनाइएकी युवतीको उद्धार

साउन २३, २०७५ बुधबार १५:१९:४५ | एजेन्सी

इन्डोनेसियामा प्रहरीले एक जना झाँक्रीद्वारा गुफामा १५ वर्षदेखि बन्धक बनाइएकी २८ वर्षीया महिलाको उद्धार गरेको छ । गएको आइतबार सेन्ट्रल सुलावेसीको एउटा गुफाबाट प्रहरीले युवतीको उद्धार गर्नुका साथै आफूलाई झाँक्री बताउने एक वृद्धलाई पक्राउ गरेको छ ।

८३ वर्षीय वृद्ध झाँक्रीले ती ती युवतीलाई १३ वर्षको उमेरमा नै बन्धक बनाएका थिए । जागो नामले चिनिने ती वृद्धले कालो जादु जानेको विश्वास स्थानीयले गर्दथे । प्रहरीका अुनसार सन् २००३ मा एउटा परिवारले १३ वर्षीया बालिकालाई उपचारका लागि भन्दै ती वृद्धकोमा पुर्याएको थियो ।

त्यही वर्ष नै ती युवती हराएकी थिइन् । ती महिलाको परिचय एचएसको रुपमा मात्रै खुलाइएको छ । ती वृद्धले ती युवतीलाई १५ वर्षको उमेरदेखि नै यौन शोषण गरेको खुलेको प्रहरीले जनाएको खबर जर्काता पोस्टमा छ ।

ती झाँक्रीले आफूले जिन(आत्मा) लाई चिनेको भन्दै युवतीलाई त्यसैसँग बिहे गराइदिने भनेर फकाएको प्रहरीले बताएको छ ।

उद्धारपछि युवतीको स्वास्थ्य जाँच गरिएको छ । १५ वर्षसम्म अँध्यारो गुफामा प्रताडित जीवन बिताउनुपर्दा उनमा मनौवैज्ञानिक असर पुगेको हुन सक्ने चिकित्सकहरुले बताएका छन् ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्