यूएई : आजदेखि निजी संस्थामा कार्यरत महिलाको पारिश्रमिक पनि पुरुष बराबर हुने

असोज ९, २०७७ शुक्रबार १३:१८:५९ | उज्यालो सहकर्मी

काठमाण्डौ – यूएईको निजी क्षेत्रमा काम गर्ने महिलाको पनि अब पुरुषको सरह पारिश्रमिक हुने भएको छ ।

यूएईले ल्याएको नयाँ कानुन लागू भएसँगै यूएईमा आजदेखि निजी संस्थामा कार्यरत महिला कर्मचारीको पारिश्रमिक पनि पुरुष कर्मचारीको बराबर भएको हो। राष्ट्राध्यक्ष शेख खलिफा बिन जायदले जारी गर्नुभएको २०२० को संघीय कानुन नम्बर ६ अन्तर्गत पहिलो धारामा एउटै कम्पनीमा, एकटै ओहोदामा कार्यरत महिला पुरुषको पारिश्रमिक बराबर हुने उल्लेख गरिएको छ ।

नयाँ कानुनले श्रम सम्बन्धमा १९८० मा जारी भएको ८ नम्बर कानुनको ३२ औं धारा परिमार्जन गरेको हो । यस नीतिले महिला सशक्तिकरण गर्दै महिला प्रतिभालाई निजी क्षेत्रमा प्रवेश गर्न प्रोत्साहित गर्ने अपेक्षा गरिएको स्थानीय पत्रिका खलिज टाइमले लेखेको छ ।

पछिल्लो समय यूएईमा महिला अधिकारको पक्षमा विभिन्न कानुनहरु परिमार्जन हुँदै आएका छन् । यूएईले गएका केही वर्षमा कार्यस्थलमा हुने विविधता र लैंगिक समानतालाई समर्थन गर्न ठूलो कदम चालेको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्