डा. केसीको जीवनरक्षा गर्न नागरिक अगुवाहरुको माग

असोज ११, २०७७ आइतबार १६:३९:५६ | उज्यालो सहकर्मी

काठमाण्डाै – नागरिक अगुवाहरुले अनसनरत डा. गोविन्द केसीको जीवन रक्षा गर्न सरकारसँग अपिल गरेका छन् । विभिन्न क्षेत्रका २३ जना नागरिक अगुवाहरुले संयुक्त अपिलमार्फत डा. केसीको जीवन रक्षाको माग गरेका हुन् ।

चिकित्सा शिक्षा सुधारका लागि १४ दिनदेखि अनसनरत डाक्टर गोविन्द केसीको स्वास्थ्य अवस्था खराब हुँदै गइरहेकोले कुनै पनि बेला परिस्थिति गम्भीर बन्न सक्नेतर्फ उनीहरूले सरकारको ध्यानाकर्षण गरेका छन् । अपिलमार्फत उनीहरुले यसअघि डा. केसीसँग गरेका सम्झौता कार्यान्वयन गर्न सरकारसँग माग गरेका छन् ।

केसीलाई अनसनस्थल जुम्लाबाट काठमाण्डौ ल्याएको एक हप्ता भइसक्दा पनि सरकारले चासो नदिएकोमा आफूहरू चिन्तित भएको अपिलमा उल्लेख गरिएकाे छ ।

पूर्वप्रधानन्यायाधीशहरु कल्याण श्रेष्ठ र सुशीला कार्की, पूर्वसभामुख दमननाथ ढुंगाना, पूर्वउपकुलपति प्रा.डा. केदारभक्त माथेमा, कानुनविद् शम्भु थापा, भीमार्जुन आचार्यलगायतले संयुक्त अपिल निकालेर डा. केसीको जीवन रक्षा गर्न र उहाँले उठाउनुभएको माग पूरा गर्न सरकारसँग माग गर्नुभएको हो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्