भारतलाई मालदिभ्सको कडा झट्का, भन्यो : सेना र हेलिकप्टर फिर्ता लैजाउ

साउन २६, २०७५ शनिबार ८:१:१८ | एजेन्सी

मालदिभ्सले भारतलाई आफ्नौ सैन्य हेलिकप्टर र सेनालाई उसको भूमिबाट फिर्ता लैजान भनेको छ ।

भारतका लागि मालदिभ्सका राजदूत अहमद मोहम्मदले भारत र मालदिभ्सका बीचमा भएको सम्झौता जुनमा सकिएकाले भारतले मालदिभ्सबाट सेना फिर्ता गर्नुपर्ने बताएका छन् ।

मालदिभ्सको यो निर्णयले चीन समर्थक मालदिभ्सका राष्ट्रपति अब्दुल्ला यामिनको तर्फबाट भारतका लागि कडा झट्का मानिएको छ ।

केही समयदेखि भारत–मालदिभ्सबीचको सम्बन्धमा दरार आएको छ । भारतले केही दशकदेखि नै मालदिभ्सको समुद्री तटमा आफ्नो सेना राख्दै आएको छ । मालदिभ्सको विकास निमार्णमा सन् २०११ देखि चीनले बलियो उपस्थिति जनाएसँगै भारतको भूमिका कमजोर हुँदै गएका छन् । सन् २०११ मा चीनले माले मा राजदूतावास खोलेपछि उसले लगातार सडक, पुल तथा एयरपोर्टजस्ता ठूला आयोजनामा सहयोग गरिरहेको छ ।

भारतका लागि मालदिभ्सका राजदूत अहमद मोहम्मदले भारतका दुई सैन्य हेलिकप्टर समुद्रमा फसिरहेका मानिसको उद्धारका लागि प्रयोग गरिँदै आएको बताए । भारतले दिएको हेलिकप्टरले निकै राहत पुगेको बताउँदै राजदूत मोहम्मदले अब आफैसँग त्यो क्षमता भएको बताएका छन् । त्यसैले आफूहरुलाई भारतीय हेलिकप्टरको आवश्यकता नपर्ने पनि मोहम्मदले स्पष्ट पारेका छन् ।

मालदिभ्समा अहिले पनि ५० भारतीय सेना रहेका छन् । त्यसमा पाइलट तथा मेन्टेनेन्स क्रु पनि सामेल छन् । उनीहरुको भिसा अवधि समाप्त भैसके पनि नयाँ दिल्लीले भने उनीहरुलाई मालदिभ्स छोड्न कुनै सूचना जारी गरेको छैन ।

याे पनि पढ्नुहाेस्

मालदिभ्समा ‘महाभारत’, भारतलाई धर्मसंकट

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्