कर उठाउने वडाअध्यक्षहरु नै नगरपालिकाको करको विरोधमा उत्रिएपछि‍‍‍...

 साउन २६, २०७५ शनिबार २०:२२:४४ | धनवीर महतो
unn.prixa.net

महोत्तरी – गौशाला नगरपालिकाका वडाअध्यक्षहरुले करको विरोध गर्दै गौशाला बजार बन्द गरि प्रदर्शनमा उत्रेका छन् ।

शनिबार दिउँसो गौशाला नगरपालिका वडा नं. २, ३, ५, ९ र ११ नं. का वडाअध्यक्षहरुले आर्थिक वर्ष २०७५÷०७६ को बजेटमा नगरपालिकाले जनताको डाढ सेक्ने गरी बजेट ल्याएको भन्दै प्ले कार्ड बोकी विरोध प्रदर्शनमा उत्रेका हुन् ।

र्‍यालीपछि आयोजित कोणसभामा विभिन्न वक्ताहरुले नगरपालिकाले मनपर्दी रुपमा करको दायरा निर्धारण गरेकोले त्यस निर्णयलाई अझ पनि संशोधनको पक्षमा गएर जनताको चाहनाअनुसार करको सिमा निर्धारण गर्न आग्रह गरेका थिए ।

नेपाली कांग्रेसका नेता एवम पूर्व सांसद वसन्त गुरुङ्गको नेतृत्वमा निकालिएकोे विरोध प्रदर्शनमा विभिन्न राजनीतिकर्मी, यूवा, महिला, बुद्धिजीबी, व्यापारी, व्यवसायीहरुको सहभागिता रहेको थियो । 

विरोधमा स्थानीय नेपाली कंँग्रेस, राजपा नेपाल, संघीय समाजवादी फोरम नेपालका कार्यकर्ता लगायत गौशाला नगरपालिकाका वडाअध्यक्षहरु समेत सम्मलित रहेका थिए ।

गौशाला नगरपालिकाको कार्यालयले वडाअध्यक्ष महेश सिंहको अध्यक्षतामा बजेट पुनरावलोकन टोली गठन गरी संशोधन प्रक्रिया अगाडि बढाइसकिएको जनाएको छ । 
 

अन्तिम अपडेट: मंसिर ३, २०७५

धनवीर महतो

उज्यालोका महोत्तरी सहकर्मी धनवीर महतोलाई फेसबुकमा भेट्न सकिन्छ ।

1 Comments

  • Ushpal

    Aug. 11, 2018, 8:31 p.m.

    किन भने मेयर त नेकपा को हुन अनि अरु कसले बिरोध गरोश त

तपाईको प्रतिक्रिया