आर्क एन्ड ब्रिज प्रविधिको पुल अलपत्र : नयाँ प्रक्रियाबाट निर्माण गरिने

मंसिर ७, २०७७ आइतबार ७:४९:३२ | उज्यालो सहकर्मी

काठमाण्डाै - काठमाण्डौको तीनकुनेमा वाग्मती पुल नयाँ प्रक्रियाबाट बनाइने भएको छ ।

निर्माणमा संलग्न कम्पनी पप्पु कन्स्ट्रक्सन प्रालिसँगको ठेक्का सम्झौता तोडेसँगै नयाँ प्रक्रियाबाट पुल बनाउन लागिएको हो । नेपालमा पहिलोपटक नयाँ प्रविधि (आर्क एन्ड ब्रिज) प्रविधिबाट वाग्मती पुल निर्माण गर्ने सम्झौता भएको थियो । अबको केही दिनमा ठेक्का सम्झौता हुने काठमाण्डौ उपत्यका सडक विस्तार आयोजनाले जनाएको छ ।

पहिला ‘डिजाइन एण्ड बिल्ड’ का आधारमा पुल बनाउन सुरु भएको थियो । अब बन्ने पुल पनि पहिले जस्तै बन्ने तर बजेट केही बढ्न सक्ने आयोजनाका प्रमुख गुरु अधिकारीले बताउनुभयो । पुलको लम्बाइ, चौडाइ केही पनि परिवर्तन हुने छैन । नयाँ ठेक्का सम्झौतामा गएपछि पुल बनाउन झण्डै तीन वर्ष लाग्नेछ ।

पुलको निर्माणमा ढिलाइ भएको र भएको काम पनि गुणस्तरीय नभएको भन्दै सरकारले गएकाे आर्थिक वर्षमा ठेक्का तोडेको थियो । विसं २०७१ पुसमा सडक विभागले पप्पु कन्स्ट्रक्सनसँग साढे तीन वर्षमा निर्माण सक्ने गरी ठेक्का सम्झौता गरेको थियो ।

प्राविधिक त्रुटि पाइएपछि सरकारले गएकाे वर्षको भदौमा बनेका संरचना भत्काएर नयाँ बनाउन भनेको थियो । त्यसपछि विभागले गएकाे वर्ष मङ्सिर ८ मा ठेक्का तोडेपछि कम्पनीले उच्च अदालतमा दुई र काठमाण्डौ जिल्ला अदालतमा दुई मुद्दा हालेको थियो । तर मुद्दा खारेज भएका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्