वैदेशिक रोजगारीबाट फर्किएकाहरुले बनाए ‘रिटर्नी माइग्रेन्ट नेपाल’

 साउन २८, २०७५ सोमबार १८:६:३४ | रासस

काठमाडौं – वैदेशिक रोजगारबाट स्वदेश फर्केका नेपालीले आर्जन गरेको पूँजी, ज्ञान र सिपलाई स्वदेशमा उपयोग गर्ने उद्देश्यले ‘रिटर्नी माइग्रेन्ट नेपाल’ स्थापना गरिएको छ । 

देश विकासमा ती श्रमिकलाई संस्थामा आबद्ध गरी उत्पादनशील क्षेत्रमा सामूहिक लगानी गरी रोजगारी सिर्जना गर्ने योजना सहित संस्था स्थापना गरिएको हो । ‘रिटर्नी माइग्रेन्ट नेपाल’ का अध्यक्ष उत्तम अधिकारीले विभिन्न संघ संस्थासँग समन्वय गरी वैदेशिक रोजगारीबाट फर्किएका नेपालीका सामाजिक हित संरक्षणको क्षेत्रमा काम गर्ने प्रतिबद्धता व्यक्त गर्नुभयो । 

सरकारले चालू आवको बजेटमा वैदेशिक रोजगारबाट फर्केकालाई परियोजनाका आधारमा १० लाखसम्म ऋण रुपैयाँ उपलब्ध गराइने घोषणा गरेकाले त्यसलाई चाँडो कार्यान्वयन गराउन पहल गर्ने संस्थाले जनाएको छ । 

पुनः विदेश नफर्कने गरी स्वदेश फर्किएका श्रमिकको तथ्याङ्क संकलन गरी उनीहरुलाई परियोजनामार्फत क्रियाशिल गरेर मुलुकको समृद्धिमा उपयोग गरिने छ । प्रवासी श्रमिकसँग सेवा प्रदायक क्षेत्रको अनुभव धेरै भएकाले पर्यटन, ऊर्जा, व्यापारलगायत क्षेत्रमा उनीहरुको पूँजीलाई प्रयोग गरिने छ । 

सरकारको मातहतमा रहेका रुग्ण तथा बन्द उद्योग सञ्चालनका लागि श्रमिकको लगानीलाई प्रयोग गर्ने वातावरण मिलाउन सरकारलाई संस्थाले आग्रह गरेको छ ।
 

अन्तिम अपडेट: मंसिर २७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

इजरायलमा हाइपरसोनिक मिसाइल हानेको यमनको हुथी विद्रोहीको दाबी

४

सहकारी ठगी : लेखा समिति सभापतिकी पत्नी अञ्जला कोइरालासहित २५ जनाविरुद्ध पक्राउ पुर्जी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई