बैतडीको सिगासका निजी शिक्षकद्वारा गाउँपालिकालाई २४ घण्टे अल्टिमेटम, तत्काल तलब निकासा गर्न माग

मंसिर १५, २०७७ सोमबार ९:३३:३ | उज्यालो सहकर्मी

बैतडी - तलब नपाएपछि आन्दोलित भएका बैतडीको सिगास गाउँपालिकाका सामुदायिक विद्यालयमा कार्यरत निजी स्रोतका शिक्षकले गाउँपालिकालाई २४ घण्टे अल्टिमेटम दिएका छन् ।

निजी स्रोत शिक्षक सङ्घर्ष समितिले विज्ञप्ति निकालेर आफूहरुले गएको चैतदेखि तलब नपाएको र तत्काल तलब निकासा गर्न माग गरेका छन् । लामो समयदेखि तलब नै नपाएपछि आफूहरु आन्दोलनमा उत्रिन बाध्य भएको समितिका अध्यक्ष लक्ष्मी साह चन्दले जानकारी दिनुभयो ।

चैतदेखिको तलब निकासा हुनुपर्ने, सिगास स्वयंसेवक शिक्षक कार्यविधि, २०७५ लागू हुनुपर्ने, दशैँ भत्ता, पोसाक भत्तालगायतका सुविधा आफूहरुलाई पनि उपलब्ध गराउनुपर्ने, श्रम ऐनअनुसार तलब भत्ताको व्यवस्था गर्नुपर्ने र शिक्षक सिकाइ अनुदान कोटामा कार्यरत शिक्षकको तलबभत्ता निकास गर्नुपर्ने उनीहरुको माग रहेको छ ।

गाउँपालिकाले २४ घण्टाभित्र सुनुवाइ नगरे थप आन्दोलन गर्ने उनीहरुले चेतावनी दिएका छन् । सिगास गाउँपालिकाका विभिन्न सामुदायिक विद्यालयमा १ सय ९१ निजी स्रोतका शिक्षक छन् । कोरोना महामारीका बेलामा तलब निकासा नहुँदा गुजारा गर्न समस्या भएको उनीहरुले गुनासो गरेका छन् ।

सिगास गाउँपालिकाका शिक्षा शाखा प्रमुख रमेशप्रसाद भट्टले राजस्व बाँडफाँड शीर्षकमा रकम निकासा नभएकाले निजी स्रोतका शिक्षकलाई तलब खुवाउन नसकिएको बताउनुभएको छ ।

अन्तिम अपडेट: पुस २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्