मजदुरका नाममा १३ वटा फर्म खोलेर राजस्व छली, ६५ करोड बिगो मागसहित मुद्दा दायर

पुष २०, २०७७ सोमबार १७:५०:५८ | उज्यालो सहकर्मी

काठमाण्डौ – झुट्टा तथा नक्कली भ्याट बिल प्रयोग गरी राजस्व छली गर्ने सर्लाहीका प्रदीप साहसहित १० जनाविरुद्ध ६५ करोड रुपैयाँभन्दा धेरै बिगो मागदाबी सहित अदालतमा मुद्दा दर्ता भएको छ ।

मजदुरका नाममा १३ वटा फर्म दर्ता गरेर नक्कली भ्याट बिल बनाइ राजस्व छली गरेको आरोपमा सर्लाहीको धनकौलका प्रदीप साहसहित १० जना विरुद्ध ६५ करोड २८ लाख ५२ हजार रुपैयाँ बिगो तथा जरिबाना माग गरेर उच्च अदालत पाटनमा मुद्दा दायर गरिएको राजस्व अनुसन्धान विभागले जनाएको छ ।

प्रदीप साह सञ्चालक रहेको आरकेएम ट्रेडिङ प्रालीमा काम गर्ने निम्न आय भएका मजदुरको नाममा दर्ता गरेर १० जनाले २०७३ सालदेखि नक्कली भ्याट बिल बनाएको पाइएको विभागले जनाएको छ ।

उनीहरूविरुद्ध २२ करोड ४९ लाख भ्याट, ३७ करोड ५८ लाख आयकर र पाँच करोड २० लाख रुपैयाँ लाभांश छली गरेको आरोपसहित विभागले मुद्दा दायर गरेको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्