रकम अभावका कारण नाै वर्षदेखि महिला बन्दीगृह अलपत्र

भदौ ५, २०७५ मंगलबार १६:८:५३ | सन्तोष थापा

पर्वत – आवश्यक बजेट निकासा नभएपछि धौलागिरिकै पहिलो निर्माणाधीन महिला बन्दीगृह अलपत्र परेको छ ।

निर्माण सुरु भएको ९ वर्ष बितिसक्दा पनि रकम निकासा नहुँदा पर्वत कारागारमा निर्माणाधीन अवस्थामा रहेको बन्दीगृह निर्माण कार्य प्रभावित बनेको हो ।

रकम निकासा नभएपछि बारम्बार सम्बन्धित निकाय र विभागमा जानकारी गराएपनि प्राप्त हुन नसकेको पर्वत कारागारका प्रमुख मोहनप्रसाद उपाध्यायले बताउनुभयो ।

‘बन्दी गृह निर्माण सुरु गरेको नौ बर्ष बितिसक्यो, उहाँले भन्नुभयो, ‘आर्थिक अभावले पूर्णता दिन सकिएको छैन ।’

उहाँका अनुसार निकासा भएको १४ लाख रुपैंयाले पर्खाल निर्माणको आधा काम मात्र सकिएको छ । अहिले निर्माणाधीन महिला बन्दीगृहमा वृक्षारोपण गरे जस्तै गरी सिसौ र अन्य विभिन्न प्रजातिका रुखहरु उम्रिएका छन् ।

२५ जना क्षमताको त्यस बन्दीगृहका लागि ७२ लाखमध्ये आर्थिक वर्ष २०६९-७० मा १४ लाखमात्र विनियोजन भर्इ काम सम्पन्न भएको थियो ।

०६६ माघबाट निर्माण सुरु गरिएको बन्दीगृहको १० प्रतिशत पनि काम सम्पन्न भएको छैन । बजेट निकासा भई नआउँदा निर्माणस्थल झारले भरिदैं गएको छ । एक वर्ष भित्र निर्माण पूरा गर्ने लक्ष्यका साथ निर्माणको काम सुरु गरिएपनि समयमै बजेट निकासा नभएपछि यस्तो समस्या झेल्नु परेको कार्यालयले जानकारी दिएको छ ।
यसरी महिलाका लागि छुट्टै बन्दीगृह निर्माण गरिएको यो पहिलो हो । महिलाकै लागि भनेर निर्माण गरिएको त्यस गृहमा बागलुङ, म्याग्दी र मुस्ताङदेखिसमेत महिला बन्दीलाई राख्न मिल्ने गरी निर्माण कार्य थालनी गरिएको थियो ।

२५ जना कैदी बन्दीको क्षमता भएको पर्वत कारागारमा अहिले ५ महिला सहित ७८ जना छन् । जसमध्ये ७२ जना कैद समाय तोकिएका छन् भने ६ जना थुनुवा बन्दी रहेका छन् । महिला बन्दी गृह निर्माण भएपछि कारागार भित्रै काेठा छुट्याएर गरेर दुई भागमा महिला पुरुषलाई राखिएको कारागार प्रमु्ख उपाध्यायले बताउनुभयो ।

महिला बन्दीगृह नबन्दा पुरुषहरु राख्ने ठाउँमा खचाखच भएर समस्या उत्पन्न भएको बताउँदै उपाध्यायले महिला बन्दीगृह निर्माण सम्पन्न हुन सकेमा फराकिलो गरी राख्न सकिने बताउनुभयो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्