सन् २०३० मा ५० लाख पर्यटक भित्राउने लक्ष्यसहित सकियो हिमालयन ट्राभल मार्ट

जेठ २०, २०७५ आइतबार २०:१:४२ | उज्यालो सहकर्मी

काठमाडौं – सन् २०३० को एकै वर्षमा नेपालमा ५० लाख पर्यटक भित्र्याउने लक्ष्यसहित काठमाडौंमा दोस्रो हिमालयन ट्राभल मार्ट सकिएको छ ।

नेपाल पर्यटनको बोर्डको आयोजना तथा प्यापिफिक एसिया ट्राभल एसोसियन, संस्कृति पर्यटन तथा नागरिक उड्यन प्राधिकरण लगायतको सहआयोजनामा गएको शुक्रबारदेखि भएको मार्टमा नेपालको पर्यटनका प्याकेज किन्ने २६ देशका क्रेता र पर्यटनको प्याकेज बेच्ने ५२ देशका विक्रेताको सहभागिता थियो ।

नेपाल लगायत दक्षिण एशियाका सबै पर्यटन ब्यवसायी सहभागि रहेको भनिएको कार्यक्रमको मुख्य विषय सस्टेनेवल रोड टु फाइभ मिलियन भिजिटर्स बाइ २०३० रहेको नेपाल पर्यटन बोर्डले जनाएको छ । कार्यक्रमको मुख्य आकर्षणका रुपमा रहेको अन्तराष्ट्रिय ट्राभल ब्लगर्स मिडिया सम्मेलनमा १८ देशका ४३ जना ब्लगरको सहभागिता थियो ।

यस्तै, कार्यक्रममा अन्तराष्ट्रिय चीन लगानी मञ्चका अध्यक्ष डाक्टर मार्कोस लीले चीनको पर्यटन बजारवाट कसरी नेपालले कसरी फाइदा लिन सक्छ भन्ने विषयमा धारणा राख्नुभएको थियो । यसैगरि बलिवुडका प्रसिद्ध निर्देशक मधुर भण्डारकरले पर्यटनले चलचित्रवाट कसरी फाइदा लिन सक्छ भन्ने विषयमा अनुभव सुनाउनुभएको थियो । त्यस्तै अन्र्तराष्ट्रिय ब्लगर्स संघका अध्यक्ष म्याट गिव्सनले नेपाललाई कसरी बिद्युतीय माध्यमवाट फाइदा हुन सक्छ भन्ने विषयमा विशेष सम्बोधन गर्नुभएको छ ।

गएको साल भएको पहिलो हिमालयन ट्राभल मार्टको सफलतापछि नेपाल झनै हौसिएको पाटा नेपालका अध्यक्ष सुनिल शाक्यले जानकारी दिनुभयो । नेपाल हिमालको प्रवेशद्धार हो भन्ने विश्वभर सन्देश फैलाउन हिमालयन ट्राभल मार्टले मुख्य भूमिका खेलेको उहाँको भनाई छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्