नगरबासीको विरोधपछि कर संकलन स्थगित

भदौ २८, २०७५ बिहीबार १९:३२:५६ | प्रकाश धौलाकोटी

तेह्रथुम – तेह्रथुमको म्याङ्लुङ नगरपालिकाले ढुंगा, गिटी, बालुवा र शुक्रबारे हटियाबाट कर संकलन गर्न तत्काललाई बन्द गरेको छ । नगरपालिकाले लिएको कर अव्यवहारिक भएको भन्दै नगरबासीबाट विरोध भएपछि नगरपालिकाले तत्काललाई कर संकलन नगर्ने भएको हो ।

नगर कार्यपालिकाको बिहीबार बसेको २२ औँ बैठकले गिटी, ढुंगा र बालुवा संकलन तथा शुक्रबारे हटियाबाट तत्काललाई कर संकलन नगर्ने निर्णय गरेको नगर प्रमुख सन्जयकुमार तुम्बाहाम्फेले बताउनुभयो । नगरपालिकाले गिटी, ढुंगा र बालुवा संकलन तथा हटियाबाट कर संकलन गर्न छुट्टा–छुट्टै ठेक्का लगाएको थियो ।

करको विषयमा नगरबासीबाट प्राप्त सुझावका आधारमा तत्काललाई कर सम्बन्धी ठेक्का समेत तोडेर कर संकलनलाई थप वैज्ञानिक र व्यवहारिक बनाउन अध्ययन थालिएको नगर प्रमुख तुम्बाहाम्फेले बताउनुभयो । कार्यपालिकाको बैठकले ढुंगा, गिटी र बालुवाको राजश्व संकलन गर्न ईआईए सर्वे गर्ने निर्णय समेत गरेको छ । यसअघि नगरपालिकाले शुक्रबारे हटियामा एक डोको साग र निगुरो बेच्नेसँग समेत कर उठाएको भन्दै आलोचना भएको थियो ।

यसैबीच म्याङ्लुङ नगरपालिकाले जिल्ला अस्पतालमा प्रसुति हुन आउने नगर क्षेत्रका महिलाहरुलाई एम्बुलेन्स खर्च उपलब्ध गराउने भएको छ । अस्पतालमा प्रसूति हुन जाँदा आउँदा एम्बुलेन्सका लागि लाग्ने खर्च नगरपालिकाले यथार्थ बिल अनुसार भुक्तानी दिने निर्णय गरेको उपप्रमुख पार्वती सानु डाँगीले बताउनुभयो ।

सरकारले स्वास्थ्य संस्थामा गएर सुरक्षित प्रसुति सेवा लिने महिलाहरुलाई यातायात खर्च वापत दुई हजार रुपैयाँ उपलब्ध गराउने गरेको छ । नगर क्षेत्रका महिलाहरुको समस्यालाई मध्यनजर गर्दै सुरक्षित प्रसुति सेवालाई थप प्रभावकारी बनाउन यो कार्यक्रमले सहयोग पुर्‍याउने उपप्रमुख डाँगीले बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्