पहिरोका कारण ८ परिवार विस्थापित

भदौ ३०, २०७५ शनिबार १९:०:३ | किरण लोहनी

गोरखा – पहिरोका कारण गोरखाको दुर्गम सिर्दीबासका ८ परिवार विस्थापित भएका छन् ।

चुमनुब्री गाउँपालिका–३, सिर्दिबासको घट्टेखोलामा शुक्रबार साँझ साढे ७ बजेतिर आएको बाढी र पहिरोले ११ घर डुबाएको थियो । त्यसमध्ये ८ घरका बासिन्दालाई अन्यत्रै सार्नु पर्ने देखिएको गाउँपालिका उपप्रमुख कुमारी गुरुङले बताउनुभयो ।

स्थानीय उम्बा गुरुङ, ज्ञानु घले, राजकुमार गुरुङ, बहादुर गुरुङ,कुमारी गुरुङ, रामबहादुर गुरुङ, सूर्यमान गुरुङ र कालीमाया गुरुङको परिवार विस्थापित भएका हुन् । उनीहरुलाई घट्टेखोला बगरमा पाल टाँगेर अस्थायी बसोबासको ब्यबस्था मिलाएको उहाँको भनाई छ ।

तत्कालका लागि प्रहरी, रेडक्रस, मनासलु संरक्षण क्षेत्र आयोजना एमक्याप, गाउँपालिकालगायतको सहयोगमा त्रिपाल टाँगेर बसोबासको व्यबस्था मिलाएको उप–प्रमुख गुरुङले बताउनुभयो । पूर्ण रुपमा क्षति पुगेका घरबाट खाद्यान्न, भाँडाकुँडा, लत्ताकपडालगायतका सर–सामान निकालिएको छ ।

विस्थापित भएकाले तत्कालका लागि छरछिमेकसँग चामल पैंचो गरेर खाएका छन् । घरबाट भाँडाकुँडा र खाद्यान्न निकाल्न नसकेका परिवारलाई गाउँपालिकाले सहयोग गर्र्ने उपप्रमुख गुरुङले बताउनुभयो ।

केही दिनदेखिको अविरल वर्षापछि शुक्रबार साँझ एक्कासी पहिरो आएको हो । ठाडोखोला बढेकाले स्थानीय अहिले पनि त्रसित छन् । घट्टे खोलामा झण्डै ७० घरधुरीको बसोबास छ ।

तत्कालका लागि विस्थापितलाई बगरमा व्यवस्थापन गरे पनि दीर्घकालीन बसोबासको व्यवस्था मिलाउन अध्ययन थालिने गाउँपालिका उप–प्रमुख गुरुङले बताउनुभयो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्