बुढीगण्डकी डुबान क्षेत्र वरिपरी चक्रपथ निर्माणको काम सुरु

 भदौ ३१, २०७५ आइतबार १०:१०:११ | किरण लोहनी
unn.prixa.net

गोरखा – बुढीगण्डकी जलविद्युत आयोजनाको डुबान क्षेत्र वरिपरि चक्रपथ निर्माणको प्रक्रिया सुरु भएको छ ।

आयोजनाले गोरखा र धादिङतर्फ एक÷एक सय किलोमिटर सडक निर्माणका लागि ठेक्का प्रक्रिया सुरु गर्न लागेको हो । सय किलोमिटर सडकको विस्तृत आयोजना प्रतिवेदन डीपीआर तयार भैसकेको आयोजना अन्तर्गतको वातावरण, मुआब्जा वितरण, पुनर्वास तथा पुनस्र्थापना इकाईका प्रमुख कृष्णबहादुर कार्कीले बताउनुभयो । 

गोरखातर्फ घ्याल्चोकको सिउरेनीटारदेखि बोर्लाङको महादेवटारसम्मको एकसय किलोमिटर सडकको डीपीआर बनाइएको उहाँले जानकारी दिनुभयो । धादिङतर्फ पनि चालु आर्थिक वर्षमा त्यति नै लम्बाईको सडकको ट्रयाक खोल्ने आयोजनाको तयारी छ । अब गोरखातर्फ ६० र धादिङतर्फ २५ किलोमिटर सडकको डीपीआर बनाउन बाँकी छ । 

तर प्रारम्भिक सर्भेको काम भने भैसकेको कार्कीले जानकारी दिनुभयो । सडक निर्माणका लागि यो आर्थिक वर्ष सरकारले १२ करोड रुपैयाँ छुट्याएको छ । दुईवटै जिल्लामा ६÷६ करोड खर्चेर ट्रयाक निर्माण अघि बढाउने इकाई प्रमुख कार्कीले बताउनुभयो । बुढीगण्डकी आयोजनाको जलाशय करिब ५४ किलोमिटर फराकिलो हुनेछ । जलाशयको माथि १५ मिटर फराकिलो सडक बनाउने आयोजनाले जनाएको छ । 

तीनसय किलोमिटर लम्बाईको रिंगरोड निर्माणको ट्रयाक खन्ने काम पुष, माघबाट मात्रै सुरु हुने इकाई प्रमुख कार्कीले बताउनुभयो । मंसिरमा टेण्डर प्रक्रिया पूरा गरेर काम सुरु गर्ने योजना रहेको उहाँले बताउनुभयो । 

अहिले ट्रयाक बनाइने र पछि त्यसैलाई रिंगरोडका रुपमा विकास गरिने इकाई प्रमुख कार्कीले बताउनुभयो । कतिपय ठाउँमा भने अहिले भएकै ट्रयाकलाई विस्तार गरे हुने देखिएको छ । तर ट्रयाक निर्माणको सुरुकै विन्दूमा जंगल परेकाले त्यसको व्यवस्थापन कसरी गर्ने भन्नेमा अन्यौल देखिएको छ । 

जंगल क्षेत्रमा सडक निर्माण कसरी अघि बढाउने भन्नेबारे उर्जा मन्त्रालय, वन मन्त्रालयलगायतका उच्च अधिकारीहरुले छलफल थालेको आयोजना अन्तर्गतको वातावरण, मुआब्जा वितरण, पुनर्वास तथा पुनस्र्थापना इकाईका प्रमुख कार्कीले बताउनुभयो ।  

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ । 

1 Comments

  • Suk Bahadur Gurung

    Sept. 16, 2018, 12:49 p.m.

    के आरूघाट र खहरेको मुवाव्जानै कति दिनेहो तोक्न सकेको छैन यो जल्विधूध्द् आयोजना बनांउंन सक्ला र नेपाल ले,बढो पहिले नै चाइना कम्पनिलाई सोंपी दिएको भयेदेखि बनाई सक्थ्यो होला ।

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई