सकियो नाडा अटो शो, ८ सय कार र १६ सय बाइक तथा स्कुटर बुकिङ

भदौ ३१, २०७५ आइतबार २०:४९:४६ | उज्यालो सहकर्मी

काठमाडाैं - ८ सय चारपांग्रे तथा १६ सय दुइपांग्रे गाडीको बुकिङ गर्दै १३ औं नाडा अटो शो सम्पन्न भएको छ ।

गएको मंगलबारदेखि काठमाडौंको भृकुटीमण्डमा सुरु भएको नाडा अटो शो मा झण्डै ८ सय कार, जीप भ्यान तथा १६ सय मोटरसाइकल र स्कुटर बुकिङ भएको नेपाल अटोमोवाएल्स डिलर्स एसोशियसन नाडाले जनाएको छ । अटो शो मा चारपांग्रे, २ पांग्रे र पाटपुर्जाका गरी ७१ कम्पनीका १ सय ३४ स्टल राखिएको थियो ।

६ दिनसम्म चलेको मेलामा ६५ हजार जनाले अवलोकन गरेको नाडाका अध्यक्ष शम्भुप्रसाद दाहालले जानकारी दिनुभयो । उहाँले यो पटकको नाडा अटो शो अहिलेसम्मकै उत्कृष्ट भएको पनि दावी गर्नुभयो ।

मेलामा गाडी बुकिङ गर्नेहरुका लागि विभिन्न कम्पनीले विशेष योजनाको घोषणा गरेका छन् । यसपटकको अटो शो मा हुन्डाइको आयोनिक, टाटा टियोर इलेक्ट्रिक, महिन्द्रा भेरियो, किया सोल इभी लगायत विद्युतीय कारमा धेरैको आकर्षण रहेको थियो ।

उत्कृष्ट स्टलको उपाधी फक्सवागनलाई

१३ औं नाडा अटो शो को उत्कृष्ट स्टल फक्सवागनले जितेको छ । चारपांग्रेतर्फको उत्कृष्ट स्टल फक्सवागनले जितेको र २ पांग्रेको उत्कृष्ट स्टल टिभिएसले जितेको छ । उत्कृष्ट ल्यूव, टायर, पार्टसलगायतका स्टलमा रिटा अटोमोवाएल्सले जितेको छ । नाडाले हरेक वर्ष उत्कृट स्टलाई सम्मान गर्दै आएको छ ।

अन्तिम अपडेट: पुस २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्