बाध्यताले पेट्रोलियम पदार्थको मूल्य बढाइएको हो : मन्त्री यादव

 जेठ २१, २०७५ सोमबार १८:२:५९ | उज्यालो सहकर्मी

काठमाडौं – उद्योग, वाणिज्य तथा आपूर्ति मन्त्री मातृकाप्रसाद यादवले सरकारले बाध्य भएर पेट्रोलियम पदार्थको मूल्य वृद्धि गरेको बताउनुभएको छ ।

मन्त्री यादवले नागरिकलाई सहुलियत दिने काममा आवश्यक साथ र सहयोग गर्न पनि विद्यार्थी संगठनका नेतृत्वसँग आग्रह गर्नुभयो । पेट्रोलियम पदार्थको मूल्य वृद्धि तत्काल फिर्ता लिन माग गर्दै सोमबार मन्त्रालय पुगेका प्रमुख दल निकट विद्यार्थी संगठनका नेतृत्वलाई उहाँले विद्यार्थीहरुलाई सहुलियत दरमा ग्यास उपलब्ध गराउने लगायतका विगतका सहमति कार्यान्वयनका लागि आवश्यक छलफल गर्ने आश्वासन दिनुभयो ।

मन्त्री यादवले नेपाल आयल निगममा अब भ्रष्टाचार नहुने र चुहावट हुन नदिन आफूले विशेष अभियान सञ्चालन गरिसकेको दाबी गर्नुभयो ।

मन्त्री यादवले पेट्रोलियम पदार्थको मूल्य वृद्धिको विरोधमा संघर्ष नगर्न पनि अनेरास्ववियू, नेपाल विद्यार्थी संघलगायतका प्रमुख दलका विद्यार्थी संगठनका नेताहरुसँग आग्रह गर्नुभयो ।

विद्यार्थी संगठनका नेताहरुले नागरिकलाई मारमा पर्ने गरी सरकारले बढाएको पेट्रोलियम पदार्थको मूल्य वृद्धि तत्काल फिर्ता लिन माग गर्दै मन्त्री यादवलाई ज्ञापन पत्र बुझाएका थिए । नागरिकलाई मारमा पार्ने गरी पेट्रोलियम पदार्थमा बढाइएको मूल्य वृद्धि तत्काल फिर्ता लिन माग गर्दै सरकारलाई ज्ञापन पत्र बुझाउनु परेको अनेरास्ववियूका उपाध्यक्ष रश्मि आचार्यले जानकारी दिनुभयो ।

विद्यार्थी संगठनहरुले पेट्रोलमा बढाइएको मूल्य वृद्धि तत्काल फिर्ता नभए सरकारविरुद्ध कडा आन्दोलनमा जान बाध्य हुने चेतावनी दिएका छन् ।

अन्तिम अपडेट: मंसिर २८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई