सौर्य एयरलाइन्सको जहाज ठूलो दुर्घटनाबाट जोगियो, चरा ठोक्किएपछि विराटनगरमा ग्राउण्डेड

असोज १, २०७५ सोमबार १५:१:४६ | सुमन तिमल्सिना

मोरङ – काठमाडौमा चरा ठोक्किँदै उडेको सौर्य एयरलाइन्सको जहाज ठूलो दुर्घटनाबाट जोगिएको छ ।

काठमाडौं विमानस्थलबाट उड्दै गरेको जहाजमा चरा ठोक्किएक पनि ल्याण्ड नगरी पाइलटले सिधै विराटनगर ल्याएका हुन् । जहाज अवतरण गर्ने बेलामा ठूलो आवाज आएको यात्रुहरुले बताएका छन् । त्यो बेला विराटनगर विमानस्थलका यात्रुहरु आँतिएका थिए ।

चरा दाँया इन्जीनमा ठोक्किएको कारण इन्जीनको पंखामा नै क्षति पुगेको छ । जहाजमा चरा ठोक्किएपछि पंखामा क्षति पुगेकोले जहाज नै उडान गर्न नसक्ने अवस्थामा विराटनगर विमानस्थलमा ल्याण्ड गराइएको सौर्य एयरलाइन्सका विराटनगर स्टेशन प्रमुख प्रकाश पौडेलले जानकारी दिनुभयो ।

उहाँले यात्रुको सुरक्षालाई मध्यनजर गर्दै जहाज उडाउन नसकिने बताउनुभयो । जहाजमा चरा ठोक्किएको धेरै समयपछि विराटनगर ल्याण्ड गर्नै लाग्दा कन्ट्रोल टावरले विमानमा खराबी आएको जानकारी गराएपछि मात्र विमान चालकले समस्याको बारेमा जानकारी पाएका थिए ।

विमान २ दिन विराटनगरमा नै ग्राउण्डेड हुने र पूर्ण रुपमा मर्मत भएपछि नियमित उडान गरिने विराटनगर स्टेशन प्रमुख पौडेलले बताउनुभयो । यसअघि पनि चराकै कारण धेरै जहाजहरु दुर्घटनाबाट जोगिएका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्