प्रधानमन्त्री ओलीलाई दुईतिहाईको दम्भ नदेखाउन गौतमको चेतावनी

असोज १, २०७५ सोमबार १६:३४:४३ | उज्यालो सहकर्मी

काठमाडौं – प्रमुख प्रतिपक्ष दल नेपाली कांग्रेसले सरकारको जति आलोचना गरे पनि कम हुने टिप्पणी गरेको छ ।

प्रतिनिधिसभाको सोमबारको बैठकमा विशेष समय लिएर बोल्दै कांग्रेस सांसद संजयकुमार गौतमले जति आलोचना गरे पनि कम हुने भन्दै सरकारको चर्को आलोचना गर्नु भएको हो ।

सरकारले हत्या, अपरहण घटना नियन्त्रण गर्न नसकेको, पत्रकारहरुलाई पनि दण्डित गरेको, महंगी नियन्त्रण गर्न नसकेको उहाँको आरोप थियो ।

सांसद गौतमले प्रधानमन्त्री केपी ओलीले विपक्षमाथि अरिंगलको गोलो झैं भएर खनिन पार्टीका नेता, कार्यकर्तालाई निर्देशन दिनु भएको भन्दै आपत्ति समेत जनाउनुभयो । उहाँले दुई तिहाईको दम्भ नदेखाउन पनि प्रधानमन्त्री ओलीलाई चेतावनी दिनुभयो ।

बैठकमा बोल्दै सत्तारुढ नेपाल कम्युनिष्ट पार्टी (नेकपा) की सांसद पम्फा भुसालले सरकारले कैयौं नागरिकको मनछुने काम गर्दा पनि विपक्ष कांग्रेसले विरोध गरेको गुनासो गर्नुभयो ।

उहाँले सरकारका जनपक्षीय निर्णय समेत अदालतले धमाधम उल्टाउने काम गरिरहेको भन्दै आपत्ति जनाउनुभयो । सुनकाण्डका अभियुक्तलाई न्युनतम धरौटीमा रिहा गर्ने काम अदालतबाट भइरहेकोेमा सांसद भुसालको असन्तुष्टि छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्