अहिलेको अवस्थामा राजपाले संविधान दिवस मनाउन सक्दैन : महतो

असोज १, २०७५ सोमबार १७:१५:९ | उज्यालो सहकर्मी

बाँके – राजपा अध्यक्ष मण्डलका सदस्य राजेन्द्र महतोले संविधान संशोधन भई आफूहरुका माग पूरा नभएसम्म संविधानमाथिको विरोध जारी रहने बताउनुभएको छ ।

उहाँले अहिलेको अवस्थामा आफूहरुले संविधान दिवस मनाउन नसक्ने स्पष्ट पार्नुभयो । ‘अहिलेको अवस्थामा राजपाले संविधान दिवस मनाउन सक्दैन’, सोमबार नेपालगञ्जमा आयोजित पार्टी प्रवेश कार्यक्रममा महतोले भन्नुभयो, ‘हाम्रा माग पूरा हुने गरी संविधान संशोधन भएमा मात्रै संविधान दिवस मान्ने छौं ।’

महतोले मधेशीलगायत पछाडि पारिएका समुदायका माग पूरा गर्नुपर्ने बताउँदै दुई थरीका व्यवहार भइरहेको टिप्पणी गर्नुभयो । अहिलेको सरकार नश्लवादी भएको भन्दै महतोले प्रधानमन्त्री केपी शर्मा ओलीले सरकार गठन गर्ने समयमा आफूहरुका माग पूरा गर्ने आश्वासन दिएकाले अहिलेसम्म पर्खेको बताउनुभयो ।

सरकार गठन भएको ६ महिनासम्म पनि आफूहरुका माग पूरा नभएको बताउँदै अब केही दिनभित्रै सरकारका बारेमा पार्टीले निर्णय गर्ने बताउनुभयो । उहाँले कैलाली घटनालगायत तराई मधेसका जिल्लामा प्रतिसोध साँधेर पक्राउ गरिएका नेता कार्यकर्ताको तत्काल रिहाईको माग समेत गर्नुभयो ।

कार्यक्रममा अध्यक्ष मण्डलका अर्का सदस्य अनिल झाले संविधानमा भएको सीमाङ्कन आफूहरुलाई मान्य नभएको बताउनुभयो । उहाँले टीकापुर घटनामा संलग्नताको आरोपमा पक्राउ गरिएका सांसद रेशम चौधरीलाई अपराध पुष्टि नभएसम्म सपथ ग्रहण गरी संसदमा भाग लिने अवस्था राज्यले बनाउनुपर्नेमा जोड दिनुभयो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्