लमजुङको पहिरोमा बेपत्ता एक जनाको शव फेला, नदीमा हराएका २ जना अझै बेपत्ता

असोज २, २०७५ मंगलबार १८:१५:३० | श्यामशितल परियार

लमजुङ – लमजुङको बाढी पहिरोमा बेपत्ता भएका तीन जनामध्ये एक जनाको शव फेला परेको छ ।

बेसीशहर–चामे सडकखण्डको अर्खलेबेसीको पहिरोमा परि गएको बुधबारदेखि बेपत्ता हुनुभएका मस्र्याङ्दी गाउँपालिका–४, नासकुचेका ५९ वर्षे राजु लामा भनिने तुल्सी तामाङको भोटेओडारस्थित मस्र्याङ्दी नदीमा शव फेला परेको हो ।

लमजुङका सहायक प्रमुख जिल्ला अधिकारी काजीमान सुनारका अनुसार तामाङको शव भोटेओडारस्थित मस्र्याङ्दी नदीमा सोमबार दिउँसो २ बजे फेला परेको हो । भेटिएको शवको सनाखत भएसंगै जिल्ला सामुदायिक अस्पतालमा पोष्मार्टम भएको हो । पोष्टमार्टमपश्चात् मंगलबार नै प्रहरी प्रशासनले तामाङको शवलाई आफन्तको जिम्मा लगाएको छ ।

दुईजना अझै भेटिएनन्

गएको बुधबार नै मस्र्याङ्दी नदीले बगाएर हराएका २ जना अझै भेटिएका छैनन् । नदीमा बगेर हराएका दोर्दी खोला जलविद्युत आयोजनाको पावरहाउस निर्माणमा खटिएका ३५ वर्षे बलिराम चौधरी र २५ वर्षका लक्ष्मीप्रसाद थारु भेटिएका छैनन् । उनीहरुरुको खाजी कार्य जारी छ ।

पहिरोले लियो ५ जनाको ज्यान

गएको बुधबार वर्षासँगै आएको पहिरोमा परि ५ जनाको ज्यान गएको छ । मर्स्यांदी गाउँपालिकाका उपाध्यक्ष होमबहादुर बिकका अनुुसार पहिरोमा परि मर्स्यांदी गाउँपालिका–३, की ६५ वर्षीय अतिरुपा थापा, थापाकी ८ वर्षीया नातिनी शरिषा थापा, मस्र्याङ्दी गाउँपालिका–४, श्रीचौरकी विष्णुकली गुरुङ, मर्स्यांदी गाउँपालिका–३, कि ७१ वर्षे ललितमाया गुरुङ र मस्र्याङ्दी गाउँपालिका–४, नासकुचेका ५९ वर्षे राजु लामा भनिने तुल्सी तामाङको ज्यान गएको हो ।

पहिरोमा परी मृत्युभएकाको परिवारलाई पहिलो चरणको राहत वितरण गरिएको पनि उहाँले जानकारी दिनुभएको छ ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्