दाङ – दाङको घोराही उपमहानगरपालिकामा गठबन्धन दलका साझा उम्मेदवारले सुरुवाती अग्रता लिएका छन् । 

घोराहीमा गठबन्धन दलबाट नेकपा माओवादी केन्द्रका केन्द्रीय सदस्य हेमराज शर्माले एक सय ७२ मत प्राप्त गर्नुभएकाे छ । यस्तै नेकपा एमालेका यसअघिका मेयर तथा पोलिटब्यूरो सदस्य नरुलाल चौधरीले एक सय ४५ मत प्राप्त गर्नुभएकाे छ ।

त्यस्तै गठबन्धनबाट उपमेयरमा नेपाली कांग्रेसका नेता भुपबहादुर डाँगीले एक सय ८० र एमालेकी उपमेयरकी उम्मेदवार हुमा डिसीले एक सय ४० मत प्राप्त गर्नुभएकाे छ । 

यस्तै दाङको गढवा गाउँपालिका वडा नम्वर ८ मा एमालेका उमेदवारहरु विजयी भएका छन् । वडा अध्यक्षमा खालिक सिद्धिकी निर्वाचित हुनुभएको छ । उहाँसहित पुरै प्यानल विजयी भएको प्रदेश निर्वाचन अधिकारी नारायण भण्डारीले जानकारी दिनुभयो ।