कक्षा १२ को ग्रेड वृद्धि मौका परीक्षाको नतिजा सार्वजनिक

असोज ३, २०७५ बुधबार २०:३७:५१ | उज्यालो सहकर्मी

भक्तपुर – राष्ट्रिय परीक्षा बोर्डले कक्षा १२ को ग्रेड वृद्धि मौका परीक्षाको नतिजा बुधबार सार्वजनिक गरेको छ ।

राष्ट्रिय परीक्षा बोर्ड सानोठिमीका परीक्षा नियन्त्रक कृष्णप्रसाद शर्माले परीक्षामा ७६ हजार दुई सय २७ सहभागी भएकामा नतिजा अनुसार ए प्लस ल्याउने ८४, ए ल्याउने दुई सय ८४, बी प्लस ल्याउने आठ सय ४० रहेका छन् ।

बोर्डका परीक्षा नियन्त्रक शर्माका अनुसार परीक्षामा बी ल्याउने तीन हजार ३७३, सी प्लस ल्याउने नौ हजार ७५१, सी ल्याउने २१ हजार ५७४ र डी प्लस ल्याउने २२ हजार २९७ रहेका छन् । त्यसैगरी ग्रेड डी ल्याउने १० हजार ४४७ र ई ल्याउने सात हजार ५७७ छन् ।

परीक्षामा डी प्लस वा सो भन्दा मुनि कुनै एक विषयमा ग्रेड वृद्धि गर्न चाहने विद्यार्थीलाई परीक्षामा सहभागी गराइएको थियो । व्यवस्था अनुसार मौका परीक्षामा एक लाख १६ हजार सहभागी हुन पाउने भए पनि ७६ हजार दुई सय २७ जना मात्र सहभागी भएका थिए ।

यस वर्षको मौका परीक्षाको नतिजा अघिल्लो वर्षभन्दा १४ दिन अघि सार्वजनिक गर्न सफल भएको बोर्डले जनाएको छ । बोर्डले गत भदौं १६ गते कक्षा १२ को ग्रेड वृद्धि मौका परीक्षा सञ्चालन गरेको थियो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्