प्रधानमन्त्री ओली युएई हुँदै अमेरिका प्रस्थान

असोज ७, २०७५ आइतबार १०:१९:३३ | उमाकान्त पाण्डे

युएई – प्रधानमन्त्री केपी शर्मा ओली युएई हुँदै अमेरिका प्रस्थान गर्नुभएको छ । प्रधानमन्त्री ओली संयुक्त राष्ट्र संघको महासभाको ७३ औं अधिवेशनमा भाग लिन नेपाली प्रतिनिधि मण्डलको नेतृत्व गर्दै आइतबार बिहान युएई हुँदै न्यूयोर्कतर्फ प्रस्थान गर्नुभएको हो ।

प्रधानमन्त्री ओलीलाई आइतबार बिहान नेपाली दूतावास युएईका कुटनीतिज्ञहरुको टोलीले आबुधाबी अन्तर्राष्ट्रिय विमानस्थलमा स्वागत गरेको थियो । प्रधानमन्त्री ओलीको भ्रमण दलमा श्रीमती राधिका शाक्य, परराष्ट्रमन्त्री प्रदीप ज्ञवाली, प्रधामन्त्रीका प्रमुख सल्लाहकार विष्णु रिमाल तथा नेपाल सरकारका अन्य वरिष्ठ अधिकारी हुनुहुन्छ ।

प्रधानमन्त्री ओलीले असोज ११ गते बिहीबार संयुक्त राष्ट्र संघको महासभालाई सम्बोधन गर्ने कार्यक्रम छ । त्यसअघि असोज ८ गते सोमबार ‘नेल्सन मन्डेला शान्ति शिखर बैठक’मा सम्बोधन गर्ने तालिका छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्