वित्तीय विवरण अब इन्टरनेटबाट

असोज १४, २०७५ आइतबार १९:११:२७ | उज्यालो सहकर्मी

काठमाडौं – सर्वसाधरणले अबदेखि बैक तथा वित्तीय संस्थाको ऋण प्रवाह, निक्षेप संकलन लगायत आर्थिक गतिविधि इन्टरनेटबाट हेर्न सक्ने भएका छन् ।

देशभरका सम्पूर्ण वित्तीय संस्थाको आर्थिक गतिविधिको पहुँच सर्वसाधरण समक्ष पुर्याउनुको साथै वित्तीय संस्थाको नियमन र अनुगमन प्रभावकारी बनाउने उद्देश्य साथ केन्द्रीय बैकले नेपाल वित्तिय समावेशीकरण पोर्टल (Nepal Financial Inclusion Portal) ल्याएको हो ।

आइतबार विशेष समारोहका बीच राष्ट्रबैकले यो एप सार्वजनिक गरेको हो । यसबाट केन्द्रीय बैकलाई पनि देशभरका वित्तीय संस्थाको आर्थिक कारोबार, शाखा रहित बैंक तथा वित्तीय संस्थाको कारोबारको अनुगमन गर्न पनि सजिलो हुने छ ।

एप सार्वजनिक कार्यक्रमलाई सम्बोधन गर्दै नेपाल राष्ट्र बैकका गर्भनर चिरञ्जिवी नेपालले एपले सर्वसधारण सबैमा आर्थिक पहुँच वृद्धि गर्न सहयोग पुर्याउने विश्वास व्यक्त गर्नुभयो ।

उहाँले पोर्टलमा वित्तीय क्षेत्रको आर्थिक कारोबार र स्थिति सम्बन्धी सम्पूर्ण जानकारी हुने भएकाले वित्तीय सेवा प्रदायक, साझेदार र सरोकारवाला निकाय तथा नीति निर्माताहरुका लागि पनि महत्वपूर्ण रहेको बताउनुभयो ।

पोर्टल सार्वजनिक हुँदा आफू अत्यन्तै खुशी भएको भन्दै उहाँले एप निर्माणमा सहयोग पुर्याउने सबै निकायलाई धन्यवाद दिनुभयो । गर्भनर नेपालले केन्द्रमा मात्रै नभई प्रदेश र स्थानीय तहमा पनि वित्तीय सेवा विस्तार गर्दै प्रविधियुक्त बनाइनुपर्नेमा जोड दिनुभयो ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्