समयमै काम नसक्ने ठेकेदार प्रचण्डकै घरधनी भए पनि छाडिन्न : गृहमन्त्री थापा

जेठ २३, २०७५ बुधबार १६:०:२६ | उज्यालो सहकर्मी

काठमाडौं – गृहमन्त्री रामबहादुर थापाले समयमै निर्माण कार्य सम्पन्न नगर्ने ठेकेदार जो कोहीलाई पनि कार्वाही गर्ने चेतावनी दिनुभएको छ ।

बुधबार गृह मन्त्रालयमा आयोजित पत्रकार सम्मेलनमा बोल्दै गृहमन्त्री थापाले राज्यको ढुकुटी दुरुपयोग गर्ने ठेकेदार ठूलै नेता भए पनि नछाड्ने चेतावनी दिनुभएको हो । गृहमन्त्री थापाका अनुसार घरधनी, सांसद वा ठूलै नेता भएपनि समयमै कार्य सम्पन्न नगर्ने ठेकेदार अपराधी हुने भएकाले उनीहरुलाई राज्यले कार्वाही गरेरै छाड्नेछ ।

थापाले सरकारले राज्यको ढुकुटी दुरुपयोग गर्ने, आफ्नो जिम्मेवारी पूरा नगर्ने ठेकेदार पुष्पकमल दाहालकै घरधनी भएपनि नछाड्ने दृढता व्यक्त गर्दै कानून उल्लंघन गर्ने जो कोहीलाई कार्वाही गर्न सरकार बाध्य हुने स्पष्ट पार्नुभयो ।

उहाँले सुन तस्करी नियन्त्रणको कामलाई माछा मार्ने कामको रुपमा चित्रण गर्दै भूरा र मझौला माछा पछि अब ठूलै माछा जालमा पर्ने संम्भावना रहेको पनि बताउनुभयो । सरकारले सुन तस्करीमा संलग्नहरुलाई नियन्त्रणका लिएर कार्वाही गर्ने कामलाई निरन्तरता दिने र तस्करीसम्बन्धी अनुसन्धानका लागि गठित समितिको म्याद थप्ने पनि जानकारी दिनुभयो ।

गृहमन्त्री थापाका अनुसार सरकारले समृद्धि र विकासका लागि बाधक तस्करी, अपराधजन्य गतिविधिलाई निष्तेज पार्न विशेष अभियान नै सञ्चालन गरेको छ । साथै उहाँले आफूले विकास र समृद्धिका लागि अनुकूल वातावरण बनाउन सबै प्रदेशमा सुरक्षा गोष्ठी समेत संचालन गरेको पनि स्मरण गराउनुभयो ।

भिडियाे हेर्नुहाेस्

अन्तिम अपडेट: पुस १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्