अछाम – अछाममा झन्डै ५५ प्रतिशत मत खसेकाे छ । दुई वटा प्रतिनिधि सभा र चार वटा प्रदेश सभा निर्वाचन क्षेत्र रहेको अछाममा झन्डै ५५ प्रतिशत मतदान भएको मुख्य निर्वाचन अधिकृत पीताम्बर शर्माले जानकारी दिनुभयो ।

जिल्लाका क्षेत्र नम्बर १ का एक सय तीन वटा मतदान केन्द्र र क्षेत्र नम्बर २ का एक सय पाँच वटा मतदान केन्द्र तथा तीन वटा अस्थायी मतदान केन्द्रमा छिटफुट घटनाबाहेक शान्तिपूर्णरूपमा मतदान भएको उहाँले बताउनुभयाे । अछाममा यस चुनावमा एक लाख ५८ हजार छ सय ५७ जना मतदाता रहेका छन् ।

अहिले कर्मचारी मतपेटिका सिल गरी मतदान अधिकृतकाे कार्यालयमा फर्किने क्रममा रहेका छन् । आफ्नाे मतदान केन्द्रबाट मतपेटिका लिएर फर्किने क्रममा रहेकाे अछाम क्षेत्र नम्बर २ मा रहेको गंगा मावि मतदान केन्द्रका मतदान अधिकृत भीमबहादुर सिंहले जानकारी दिनुभयाे ।