काठमाडौं – कञ्चनपुरकी १३ वर्षीया निर्मला पन्तको हत्याबारेको छानबिन प्रतिवेदन सार्वजनिक भएको छ ।

सहसचिव हरिप्रसाद मैनाली नेतृत्वमा गठित उच्चस्तरीय छानबिन समितिले तयार पारेको अनुसन्धान प्रतिवेदन आइतबार सार्वजनिक गरिएको हो । प्रतिवेदनमा घटनाको अध्ययन विश्लेषणपछि १८ बुँदामा निश्कर्ष प्रस्तुत गरिएको छ ।

निर्मला हराएको प्रहरीमा जानकारी गराउँदा तत्काल खोजतलासमा प्रहरी उदासिन रहेको उल्लेख छ । त्यस्तै घटनासँग सम्बन्धित प्रमाण संकलनमा खटिएका प्रहरीको लापरबाही र हेलचेक्राँई देखिएको प्रतिवेदनमा भनिएको छ ।

निर्मलाको बलात्कार हत्यासँग सम्बन्धित प्रमाण लाग्न सक्ने बस्तुहरु भित्रि वस्त्र पानीमा चोपलेको, गुप्ताङ्ग र तिघ्रा पखालिएको तथा वस्त्र गायव पारिएको भेटिएको पनि प्रतिवेदनमा उल्लेख छ ।

प्रहरी उपरीक्षक डिल्लीराज विष्टले जिम्मेवारी निर्वाह नगरेको भन्दै छानबिन गरी विभागिय कारबाही गर्न सिफारिस पनि गरिएको छ ।

प्रतिवेदनकाे पूर्ण पाठ: