दसैंका लागि काठमाडौंबाट बाहिरिनेको संख्या बढ्यो, एकै दिनमा १ लाखभन्दा धेरै बाहिरिए

असोज २४, २०७५ बुधबार १०:४८:३४ | उज्यालो सहकर्मी

काठमाडौं – दशैंका लागि गाउँ घर जाने यात्रुको संख्या बढ्न थालेको छ । गएको २४ घण्टामा काठमाडौंबाट १ लाखभन्दा धेरै यात्रु बाहिरिएका महानगरीय ट्राफिक प्रहरी महाशाखाले जनाएको छ ।

महाशाखाका अनुसार २४ घण्टामा १ लाख ३० हजार भन्दा बढी यात्रु बाहिरिएका छन् । यो संख्या आजदेखि झन् बढ्नेछ । घटस्थापनादेखि धेरै विद्यालयमा पनि बिदा दिइएकाले गाउँ घर जानेको संख्या बढ्ने अनुमान गरिएको हो ।

तर पोहोर परार भन्दा यसपालि दसैंकै लागि भनेर गाउँघर जानेको संख्या भने केही मात्रामा कम रहेको यातायात व्यवस्था विभागले जनाएको छ । यस अघिका दसैंमा कोरियन भाषा परीक्षाका लागि काठमाडौं आएकाका कारण पनि भीड हुने गरेको थियो । भाषा परीक्षाका लागि झण्डै डेढ लाख परीक्षार्थी काठमाडौं आउने गरेका थिए तर यो वर्ष असार महिनामा नै कोरियन भाषा परीक्षा सकिएकाले चाप कम भएको हो ।

यस्तै, मुग्लिन नारायणगढ, नागढुंगा नौबिसे र कलंकी नागढुंगा सडकखण्डको अवस्थाका कारण पनि यात्रुको चाप कम भएको छ । सडक सुरक्षा नभएको भन्दै केही यात्रुले हवाई यात्रा रोज्न थालेका छन् । यसले गर्दा पनि अघिल्ला वर्षमाभन्दा केही चाप कम भएको अनुमान छ ।

यस्तै, यातायात व्यवस्था विभागले बुधबारदेखि सार्वजनिक गाडीलाई इजाजत पत्र अर्थात रुट परमिट खुला गरेको छ । विभागले दसैं, तिहार र छठ नजिकिएसँगै काठमाडौं बाहिर जाने र आउने यात्रुलाई सहज र आरामदायी बनाउन बुधबारदेखि आउँदो बुधबारसम्मलाई रुट परमिट खुला गरेको हो ।

विभागका सूचना अधिकारी गोकर्णप्रसाद उपाध्यायले अब जुनसुकै रुटका गाडी जता पनि जान सक्ने बताउनुभयो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्