अायातित भारतीय केराका कारण सप्तरीका केरा किसानहरु मारमा

असोज २५, २०७५ बिहीबार १८:५८:१० | शुभनारायण यादव

सप्तरी – नेपालीहरुको महान पर्व दसैं र तिहार नजिकिँदै गर्दा सप्तरीमा भारतीय केराको आयात भएपछि सप्तरीका किसानहरु मारमा परेका छन् ।

पछिल्लो पटक केरा खेतीको रुपमा चिनिने सप्तरीको हनुमाननगर, कंकालिनी नगरपालिका वडा न.–१ भारदहका किसानहरु अहिले नजिकिँदै गरेको चाडपर्वको बेलामा स्थानीय बजारमा भारतीय केराको आयात हुन थालेका कारण चिन्तित छन् ।

आफ्नै लगानीमा त्यहाँका किसानहरुले बर्सेनि केरा खेती गर्दै आइरहेको तथा केरा खेतीबाटै भारदहका कत्तिपय किसानहरुको गुजारा समेत चलिरहेको अवस्थामा भारतबाट केरा आयात हुन थालेपछि यहाँका किसानहरु चिन्तित बनेका हुन् ।

कुनै बेला बाढीका कारणले त कुनै बेला जङ्गली हात्ती र जनावरका कारणले आफूहरु मारमा परेका बेला बजारमा भारतीय केरा आयात हुन थालेपछि थप मारमा परेको भारदहका किसान दिलिप यादवको भनाई छ ।

यादवका अनुसार किसानहले मेहनत गरेर लगाएको करिब ५ बिगाह जग्गाको केराले बजार नपाउँदा करिब २५ लाखभन्दा बढी क्षति भएको छ ।

त्यस्तै अर्का किसान इनरदेव लौगीले केरा व्यवसायीहरुलाई प्रदेश तथा केन्द्रीय सरकारले बजारको उचित व्यवस्था गर्नुपर्ने माग गर्नुभएको छ ।

लौगीका अनुसार कृषिमन्त्री सप्तरी जिल्लाबाटै भएपछि किसानहरुको समस्या समाधान होला भन्ने आशा गरिए पनि यस्तो भएको देखिँदैन ।

यसैबीच भारदहका केरा किसानहरुले उचित बजार व्यवस्थापन तथा केरा किसानहरुको समस्या अविलम्ब समाधान नभए सरकारविरुद्ध आन्दोलन गर्न बाध्य हुने बताएका छन् ।

भारदहमा मात्र करिब ३० बिगाह जग्गामा केरा खेती भइरहेको केरा व्यवसायीहरुको भनाई छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्