हिमपहिरोमा परेर ज्यान गुमाएकाहरुको शव संकलनको काम सुरु

असोज २८, २०७५ आइतबार ९:२८:३७ | उज्यालो सहकर्मी

म्याग्दी – गूर्जा हिमालको आधारशिविरमा हिमपहिरोमा परेर ज्यान गुमाएकाहरुको शव संकलनको काम सुरु भएको छ ।

पोखराबाट गएको हेलिकोप्टर गुर्जा गाउँमा अवतरण गरेको र दक्ष चालकसहित उद्धारकर्मी, प्रहरी र नेपाली सेनाको टोली आधारशिविर तर्फ जाने तयारीमा रहेको गण्डकी प्रदेशका प्रहरी प्रवक्ता प्रहरी नायव उपरिक्षक गोविन्द पुरीले जानकारी दिनुभयो ।

शव अफ्ठ्यारो खोँंचमा रहेकाले संकलन गर्न जटिल भएको उहाँले बताउनुभयो । म्याग्दीको गूर्जा हिमाल आरोहण गर्न गएका ४ नेपाली र ५ कोरियाली नागरिकमध्ये आठजनाको शव देखिएको गूर्जाका वडा अध्यक्ष झकबहादुर छन्त्यालले जानकारी दिनुभयो ।

बेपत्ता एक जनाको खोजी पनि गरिने प्रहरीले जनाएको छ । कोरियाली नागरिक किम चङ होको नेतृत्वमा गएको टोलीमा नेपाली नागरिक वाङचु शेर्पा, तेन्जिङ भोटे र लाक्पा साङ्बु भोटे तथा कोरियाली नागरिक यु योङ्जीक, रिम इल जिन र लि जाई हुन रहेका छन् । दुई जना भने गुर्जा गाउँकै हुन सक्ने प्रहरीको अनुमान छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्