गाडीले बढी भाडा लियो ? ९८५१२७३२२२ मा फोन गर्नुहोस्

असोज २९, २०७५ सोमबार ८:५२:२६ | उज्यालो सहकर्मी

काठमाडौं – दसैंमा यात्रुको सहजताका लागि सुरक्षा व्यवस्था मजबुत बनाइएको सरकारले दाबी गरेको छ । तर दाबी गरिए अनुसार यात्रा सहज नभएको यात्रुको गुनासो छ । केही ठाउँमा बाटोको कारण यात्रा कष्टकर भएको यात्रुले गुनासो गरेका छन् ।

साँघुरो बाटो तर गाडी संख्या धेरै हुँदा हरेक दिनजसो जाममा बस्नु परेको र तोकिएको भन्दा बढी भाडा तिर्नू परेको यात्रुले बताएका छन् । सरकारले बढी भाडा लिनेलाई कारबाही भइरहेको दाबी गरे पनि अनुमगन प्रभावकारी नहुँदा विभिन्न बाहनामा बढी भाडा तिर्नु परेको यात्रुले बताएका छन् । तर प्रहरीले बढी भाडा लिनेलाई कारबाही भइरहेकाले तुरुन्त खबर गर्न आग्रह गरेको छ ।

कुनै पनि गाडीले बढी भाडा लिए यातायात व्यवस्था विभागको हटलाइन नम्बर ९८५१२७३२२२ र प्रहरीको निःशुल्क नम्बर १०१ वा १०३ मा फोन गरेर उजुरी गर्न सकिने प्रहरीले जनाएको छ । यस्तै यातायात व्यवस्था विभागले बिचौलिया हटाउन कलंकीमा रहेका सबै काउन्टर हटाउने भने पनि अझै हटाएको छैन ।

कलंकीमा बिचौलियाका कारण यात्रु मारमा परेको भन्दै विभागले नयाँ बसपार्क बाट मात्रै गाडी छोड्ने तयारी गरेको थियो । कलंकीको काउन्टर हटाउन ट्राफिक प्रहरीसँग छलफल गरे पनि पछि विभाग पछि हटेको हो । बिचौलिया हाबी हुँदा यात्रुले बढी भाडा तिर्नु परेको छ ।

यस्तै यसपालिको दसैंका लागि आज भोलि र पर्सि धेरै यात्रु काठमाडौंबाट बाहिरिने भएका छन् । दशैंका लागि २० देखि २२ लाख यात्रु काठमाडौंबाट बाहिरिने अनुमान गरिएको छ । अहिलेसम्म १३ लाख भन्दा धेरै यात्रुले काठमाडौं छोडेका यातायात व्यवसायीले बताएका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्