काठमाण्डाै - नेपाली कांग्रेसका महामन्त्री गगन थापाले पार्टीभित्र अत्ति भएको भन्दै अब चुप लागेर नबस्ने बताउनुभएको छ ।

आज सामाजिक सञ्जालमा स्टाटस लेखेर महामन्त्री थापाले पार्टीभित्र एकलौटी बढ्दै गएको र विधि तथा प्रक्रिया मिचिएको भन्दै चर्को असन्तुष्टि व्यक्त गर्नुभएको हो ।

उहाँले  विभिन्न विषयमा पार्टीको प्रक्रिया र पद्धतिहरु चित्त नबुझे पनि आजसम्म आफू चुप लागेर बसेको तर अब नसहने बताउनुभएको हो ।

आजसम्म पार्टीका निर्णयहरु मन नपर्दा पनि आफ्नो जिम्मेवारी र सीमा सम्झेर मौन रहेको भन्दै अब भने चुप नलाग्ने थापाको भनाइ छ । 

कहिले प्रक्रिया चित्त बुझेन, कहिले पद्धति, कति निर्णयहरू मन परेनन्, कति आफूले राखेका विषयले प्रवेश नै पाएनन्, धेरै पटक लाग्यो प्रतिरोध गरूँ, तर हरेक पटक सोचेँ, म जिम्मेवारी लिएर बसेको छु, एउटा सीमा छ। त्यसैले कहिले मौन रहेँ त कहिले भित्रै आफ्ना मत र अडान राखेँ, लडे, साथीहरूलाई…

— Gagan Thapa (@thapagk) May 7, 2023