लीला निरौला/खोटाङ ।

 खोटाङ – वैदेशिक रोजगारी सम्बन्धी  सचेतनाका लागि  दिक्तेल रुपाकोट मझुवागढी  नगरपालिकामा गन्धर्व गीति यात्रा  सुरु गरेको छ । 

दिक्तेल रुपाकोट मझुवागढी नगरपालिकाले आफ्नो सबै वडामा सञ्चालन गर्ने गरी गएको जेठ  २९ गते  दिक्तेलबाट  गन्धर्व गीति यात्रा  गरिएको हो ।

गीत सङ्गीतको माध्यमबाट वैदेशिक रोजगार सम्बन्धी सचेतना मूलक सन्देश फैलाउन दिक्तेल रुपाकोट मझुवागढी नगरपालिकाले सुरक्षित आप्रवासन सामी कार्यक्रम अन्तर्गत गन्धर्व गीति यात्रा सुरु गरेको हो । 

 अहिलेसम्म नुनथला, जालपा, विजयखर्क, बुइपा, बाम्राङ, लफ्याङ, खाल्ले, सोल्मा,  खार्मी  पाथेकामा गन्धर्व गीति यात्रा सकिएको छ ।

 गन्धर्व यात्राका क्रममा ‘स्वदेश मै रोजगारी गरौं, विदेश जाने हो भने  बुझेर र सीप सिकेर मात्र जाऔँ’, ‘वैदेशिक रोजगारीमा संलग्न  परिवारलाई हिंसा आरोप र लाञ्छना  नलगाऔँ,  विदेशमा कमाएको पैसालाई सदुपयोग गरौँ’  लगायतका सन्देश बोकेका बढीमा ७ वटा गीत सुनाउने गरिएको छ ।