स्याङ्जामा अरिङ्गालले चिलेर एक जनाको ज्यान गयो

भदौ १३, २०८० बुधबार ९:५८:२८ | राधाकृष्ण डुम्रे

स्याङ्जा – स्याङ्जामा अरिङ्गालले चिलेर एक जनाको ज्यान गएको छ ।

बिरूवा गाउँपालिका–१ किचनासका २८ वर्षीय एलिस श्रेष्ठको अरिङ्गालले चिलेर ज्यान गएको जिल्ला प्रहरी कार्यालय स्याङ्जाका प्रवक्ता प्रहरी नायब उपरीक्षक रविन्द्र खनालले जानकारी दिनुभयो ।

मङ्गलवार साँझ घर नजिकै जङ्गलमा अरिङ्गाल पोल्ने क्रममा घाइते भएका श्रेष्ठलाई गण्डकी मेडिकल कलेज पोखरा पठाएकोमा राति नै ज्यान गएको प्रहरीले जनाएको छ ।

अरिङ्गाल पोल्नको लागि श्रेष्ठसँगै ६ जना गएकोमा अन्य ५ जना सकुशल रहेको प्रहरीले जनाएको छ ।

श्रेष्ठलाई अन्दाजी ६०/७० वटा अरिङ्गालले चिलेको बताइएको छ ।

अन्तिम अपडेट: बैशाख १३, २०८१

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

स्याङ्जामा अरिङ्गालले चिलेर एक जनाको ज्यान गयो

फाइल तस्बिर

तपाईको प्रतिक्रिया