भारतको कोलकातामा अहिले साँझ नेपाली समयअनुसार ७ १५ बजे सु्रु भएकाे छ । जसमा भारतले टस जितेर फिल्डिङ राेजेकाे छ ।

यसअघि यी दुइ टिमबीच ३ टेष्ट र ५ एक दिवसीय श्रृंखला सम्पन्न भइसकेको छ । टेष्ट श्रृंखला भारतले २–० ले जित्यो भने ५ एकदिवसीय श्रृंखला पनि भारतले ३–१ ले आफ्नो पोल्टामा पार्यो ।

३ टी–२० श्रृंखलामा पनि भारत यसरी नै हावी हुन्छ वा वेष्ट इण्डिजले घरेलु टोलीलाई घुँडा टेकाउँछ त्यो हेर्न बाँकी नै छ ।

टेस्ट र एक दिवसीयमा भारत अब्बल रहे पनि अन्तरराष्ट्रिय टी–२० प्रतियोगिताको इतिहास हेर्दा वेष्ट इण्डिज बलियो रहँदै आएको छ । 

भारत र वेष्ट इण्डिजबीचको पछिल्ला ४ टी–२० प्रतिस्पर्धामा ३ वटा वेष्ट इण्डिज भारतमाथि हावी देखिएको छ भने एउटामा मात्र भारतले जितेकाे छ।

- २०१७ जुलाईमा जमैकाको किंग्सटनमा भएका अन्तरराष्ट्रिय टी–२० प्रतियोगितमा वेष्ट इण्डिजले भारतलाई ९ विकेटले हराएकाे ।

- २०१६ अगष्टमा अमेरिकामा भएको वेष्ट इण्डिज र भारतबीचको अन्तरराष्ट्रिय टी–२० श्रृंखलाको पहिलो खेल वेष्ट इण्डिजले भारतलाई १ विकेटले हराएको र दोस्रो खेल नतिजारहित भएको ।

- २०१६ को विश्व अन्तरराष्ट्रिय टी–२० प्रतियोगिताको सेमिफाइनलमा वेष्ट इण्डिजले भारतलाई ७ विकेटले हराएको । त्यसै प्रतियोगितको फाइनलमा इंग्ल्याण्डलाई ४ विकेटले हराउँदै च्याम्पियन बनेको थियो ।

- २०११ को अन्तरराष्ट्रिय टी–२० प्रतियोगितामा भारतले वेष्ट इण्डिजलाई १६ रनले हराएको ।

राम्रो लयमा रहेका कप्तान विराट कोहलीले विश्राम लिएको, राम्रो रणनीति भएका पूर्व कप्तान तथा विकेटकीपर धोनीलाई टिममै नपारिएको र वेष्ट इण्डिजको घरेलु क्यारेबियन लिगमा सनसनी मच्चाएका युवा खेलाडीहरु समावेश भएकाले वेष्ट इण्डिजले भारतलाई अन्तरराष्ट्रिय टी–२० श्रृंखलामा भने राम्रै टक्कर दिने देखिन्छ ।