आजदेखि अनलाइनबाटै शेयर कारोबार, अब दलालकोमा धाउनु नपर्ने

कात्तिक २०, २०७५ मंगलबार २०:८:३७ | उज्यालो सहकर्मी

काठमाडौं – शेयर कारोबारमा आजदेखि अनलाइन प्रणाली सुरु भएको छ । अर्थमन्त्री डाक्टर युवराज खतिवडाले अनलाइन प्रणालीको उद्घाटन गर्दै शेयर बजारमा पूर्वाधारहरुको विकास गर्नु पर्नेमा जोड दिनुभयो ।

मंगलबारबाट अनलाइन प्रणाली सुरु भएसँगै अब शेयर किनबेच गर्न शेयर दलालको कार्यालयमा जानैपर्ने बाध्यता हटेको छ । अब आफ्नो युजरनेम र पासवर्डका आधारमा जहाँबाट पनि अनलाइनमार्फत शेयरको किनबेच गर्न सकिने नेपाल स्टक एक्सचेञ्ज नेप्सेले जनाएको छ ।

धितोपत्र दलाल अर्थात ब्रोकरको कार्यालयबाट कारोबार गर्न युजर नेम र पासवर्ड लिनुपर्छ । यसका लागि व्यक्तिगत विवरण, मोबाइल नम्बर र इमेल ठेगाना ब्रोकर कार्यालयमा बुझाउनुपर्छ । अनलाइन प्रणाली लागू भएपछि शेयर कारोबारमा नागरिकको पहुँच बढ्नुका साथै शेयर कारोबार अन्तराष्ट्रिय स्तरको बनाउन सहयोग पुग्ने नेपाल स्टक एक्सचेञ्जले जनाएको छ ।

अनलाइन शेयर कारोबार सुरु भए पनि नेप्सेको साइट नचलेका कारण आज लगानीकर्ता प्रभावित भएका छन् । मंगलबार शेयर कारोबार भए पनि नेप्से परिसूचकसँगै कारोबारका कुनै पनि जानकारी सार्वजनिक नहुँदा लगानीकर्ता अन्यौलमा रहे ।

नेप्सेको साइटमा आएको समस्या समाधान भए पनि मंगलबारको कारोबारको विवरण सार्वजनिक हुनेछ । तिहार बिदाका कारण अब आइतबार मात्र शेयर कारोबार हुने छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्