रंगना हेराथले एउटै मैदानमा लिए सय विकेट

कात्तिक २१, २०७५ बुधबार ९:१४:४५ | उज्यालो सहकर्मी

अन्तिम टेस्ट क्रिकेट खेलिरहेका श्रीलंकका रंगना हेराथले एउटै मैदानमा १ सय विकेट लिने रेकर्ड बनाएका छन् ।

यो रेकर्ड बनाउने उनी तेस्रो क्रिकेटर हुन् । इंग्ल्याण्डविरुद्धको पहिलो टेस्टमा कप्तान जोय रुटको विकेट लिएपछि श्रीलंकाको गाले मैदानमा १ सय विकेट पूरा गरेका हुन् ।

अहिलेसम्म श्रीलंकाका स्पिनर मुथैया मुरलीथरन र जेम्स एन्डरसनले मात्र एउटै मैदानमा १ सय विकेट लिएका छन् । मुरलीथरनले गाले, केडी र एसएससी मैदानमा १ सय विकेट लिएका थिए ।

एन्डरसनले भने क्रिकेटको मक्का मानिने लर्डस मैदानमा १ सय विकेट लिएका छन् । यो टेस्टसँगै अन्तर्राष्ट्रिय क्रिकेटबाट सन्यासको घोषणा गरेका हेराथले अहिलेसम्म ४३० विकेट लिएका छन् । उनले यही गाले मैदानमै १९९९ मा अष्ट्रेलियाविरुद्ध डेब्यु गरेका थिए ।

यसैबीच, श्रीलंका र इंग्ल्याण्डबीचको पहिलो टेस्टको पहिलो दिन पाहुना टोली इंग्ल्याण्डले ८ विकेट गुमाएर ३२१ रन बनाएको छ । खराब शुरुआत गरेको इंग्ल्याण्डका लागि बेन फोक्स ८७ रन बनाएर क्रिजमा रहेका छन् ।

टस जितेर पहिला ब्याटिङ गरेको इंग्ल्याण्डका एलिस्टर कुकलाई रिप्लेस गर्दै प्लेयिङ सेटमा परेका रोरी बन्र्सलाई ९ रनमा सुरंगा लकमलले आउट गरेका थिए ।
त्यसपछि लकमलले मोइन अलिलाई बोल्ड गरेपछि पाहुना टोलीले १२ रन हुँदा २ विकेट गुमाउन पुगेको थियो ।

त्यसपछि कप्तान जोय रुट र कीटन जेनिंससँग ६२ रनको साझेदारी गरेका थिए । यो साझेदारीलाई हेराथले तोडेका थिए । उनले रुटको विकेट लिँदै गाले मैदानमा १ सय विकेट लिने रेकर्ड पनि बनाएका थिए ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्