प्रधानमन्त्री बर्खास्तपछि श्रीलंकाका राष्ट्रपति सिरिसेनाकाे अर्को कदम, संसद भंग

कात्तिक २४, २०७५ शनिबार १०:४१:३६ | उज्यालो सहकर्मी

श्रीलंकाका राष्ट्रपति मैत्रिपाल सिरिसेनाले संसद भंग गरेका छन् । प्रधानमन्त्रीलाई हटाउन सिरिसेनाले संसद नै भंग गरेका हुन् ।

राजनीतिक संकट गहिरिँदै जाँदा पछिल्लो समय सिरिसेनाले श्रीलंकाको राजनीतिमा प्रत्यक्ष हस्तक्षप गर्दै आएका छन् । युनाइटेड नेसनल पार्टी ‘यूएनपी’का रानिल बिक्रामसिंगेलाई प्रधानमन्त्री पदबाट बर्खास्त गरेपछि श्रीलंकामा राजनीतिक संकट गहिरिएको हो ।

बिक्रमसिंहेलाई प्रधानमन्त्री पदबाट बर्खास्त गरेपछि राष्ट्रपति सिरिसेनाले राष्ट्रपति पदका आफ्नै प्रतिद्वन्द्वि तथा पूर्व राष्ट्रपति महिंदा राजापक्षेलाई प्रधानमन्त्रीमा नियुक्त गरेका थिए । यूनाइटेड नेसनल पार्टीले राष्ट्रपतिको त्यो कदम नियम विपरित भएको भन्दै आलोचना गरेको थियो ।

यूएनपीले राष्ट्रपतिको त्यो कदम संसदले उल्टाइदिने भन्दै संसद बैठक बोलाउन आब्हान गरेको थियो । तर राष्ट्रपति सिरिसेनाले संसद नै भंग गरिदिएका छन् । उनले पुनः चुनाव गराउने आश्वासन दिएका छन् । आउँदो जनावरी १ मा पुनः चुनाव गराउने राष्ट्रपतिको योजना छ ।

राष्ट्रपति सिरिसेनाले शुक्रबार राति संसद भंग गरेको बताएका हुन् । तर त्यो विषयलाई त्यहाँको उच्च अदालतले उल्टिइदिन पनि सक्ने छ । यूएनपीका सांसदहरुले राष्ट्रपतिसँग संसद भंग गर्ने शक्ति नभएको जिकिर गरेका छन् ।

यूएनपी पार्टीले राष्ट्रपतिको त्यो कदम गैरकानूनी रहेको र त्यो कदमलाई त्यहाँको उच्च अदालतले उल्टाइदिने विश्वास व्यक्त गरेको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्