काठमाण्डाै - ग्लोबल आईएमई बैंक लिमिटेडले एकल अङ्कमा आधारित न्यूनतम ब्याजदरमा १२ करोड रुपैयाँसम्म कर्जा सीमा भएको विशेष घर कर्जा योजना सार्वजनिक गरेको छ । 

बैंकले सस्तो तथा सरल किस्ताबन्दीमा घर निर्माण तथा खरिदलाई लक्षित गरी विशेष योजना सार्वजनिक गरेको हो । साथै,  विशेष घर कर्जा योजना अन्तर्गत अन्य बैंक वित्तीय संस्थाबाट कर्जा उपभोग गरिरहनु भएकाहरुले सहज रुपमा कर्जा सार्न सक्ने बैंकले जनाएकाे छ । 

विशेष घर कर्जा योजना अन्तर्गत सेवाग्राहीले ५ वर्षसम्मको अवधिका लागि ९ दशमलव ९९ देखि १० दशमलव ९९ प्रतिशत, ५ देखि १० वर्षसम्मको लागि १० दशमलव ९९ देखि ११ दशमलव ४९ प्रतिशत र १० वर्षभन्दा बढीकाे अवधिका लागि ११ दशमलव ४९ देखि ११ दशमलव ९९ प्रतिशत निश्चित तथा स्थिर ब्याजदरमा दशमलव १२ करोड रुपैयाँसम्म कर्जा लिन पाउनेछन् । बैंकले ग्राहकलाई छिटो, छरितो एवम् सहज रुपमा कर्जा प्रवाह गर्ने उद्देश्यसहित आवश्यक कागजातहरु पेस गरेको ३ दिनभित्र विनाझन्झट कर्जा प्रवाह गरिने जनाएकाे छ । 

देशैभरका ७७ वटै जिल्लामा फैलिएको बैंकका ३ सय ५५ वटा शाखाहरुबाट यो सुविधा उपभोग गर्न सकिने भएका छ ।