दार्चुलामा चार वर्षपछि चीनतर्फको तिङ्कर नाका जानका लागि पासको...
बैशाख १४, २०८१ शुक्रबार
पर्वत - पर्वतको महाशिला गाउँपालिकाको केन्द्र परिवर्तनबारे वडाध्यक्ष र स्थानीयबासिन्दाबीच फेसबुकमा जुहारी चलेको छ ।
वडा नं. ३ का वडाध्यक्ष रोशन गुरुङले फेसबुकमा जवाफ दिने क्रममा अपशब्द प्रयोग गरेको भन्दै स्थानीयबासिन्दा आक्रोशित भएका छन् ।
स्थानीय शिक्षक धु्रब केसीले महाशिला गाउँपालिकाको केन्द्र बालाकोटमा अपायक परेको भन्दै केन्द्र अन्यत्र सार्नका लागि पहल गर्ने भन्दै लेखेकोे स्टाटसमा वडाध्यक्ष गुरुङले अपशब्द प्रयोग गर्नुभएको हो ।
यस्तै अर्का युवा गोविन्द अधिकारीको स्टाटसमा जवाफ दिँदै उहाँले आफू भएको ठाउँमा कसैले पनि हात लगाउन नसक्ने र हात लगाउने प्रयास गरेमा राम्रो नहुने बताउनुभएको छ ।
वडाध्यक्षले गालीगलौज गरेको भन्दै स्थानीयबासिन्दाले आपत्ति जनाएका छन् । अहिले गाउँपालिकाको केन्द्र वडाध्यक्ष गुरुङकै वडामा पर्छ ।