सुबोध गाैतमको क्यारिकेचरलाई मदनकृष्णकाे स्याबासी

 कात्तिक २७, २०७५ मंगलबार १६:५:४८ | उज्यालो सहकर्मी
unn.prixa.net

कसैले आफ्नै सामुन्ने आफ्नो जस्ताको तस्तै क्यारिकेचर गर्दा जो कसैलाई पनि अचम्म लाग्न सक्छ । यस्तै अचम्ममा परे वरिष्ठ हास्य कलाकार मदनकृष्ण श्रेष्ठ, आफ्नै सामुन्ने आफ्नै दुरुस्तै क्यारिकेचर गरेको देखेर । 

हरिवंश आचार्यको जन्मदिनको अवसरमा रेडियो अडियोले गरेको विशेष कार्यक्रममा हास्य कलाकार सिताराम कट्टेल र सुबोध गौतमले हरिवंश आचार्य र मदनकृष्ण श्रेष्ठको संवादमा क्यारिकेचर गरे । 

सुबोध गौतमले गरेको क्यारिकेचरमा उपस्थित सबै कलाकारहरुले पेट मिचिमिचि हाँसेका थिए । उनले हास्य कलाकारका साथै प्रधानमन्त्रीलगायत अन्य विभिन्न राजनितिज्ञहरुको क्यारिकेचर गरेका थिए । 

वरिष्ठ हास्य कलाकार मदनकृष्ण श्रेष्ठले सुबोध गौतमले गरेको क्यारिकेचरको प्रशंसा पनि गरे । उनले हरिवंशको दुरुस्तै क्यारिकेचर गर्ने मान्छे यसअघि पनि देखेको तर आफ्नो जस्ताको तस्तै क्यारिकेचर गर्ने मानिस पहिलो पटक देखेको बताए ।

कसैको आवाज जस्ताको तस्तै क्यारिकेचर गर्नु एउटा कला हो । पछिल्लो समय हास्य कलाकारिता क्षेत्रमा क्यारिकेचर निकै मौलाउँदै गएको छ । 

 

-उज्यालो र गफगाफ डटकमको सहकार्य 

अन्तिम अपडेट: मंसिर २२, २०७५

तपाईको प्रतिक्रिया