शेयर बजार झण्डै २१ अङ्कले घट्यो, तीन अर्ब २० करोड रुपैयाँको कारोबार

फागुन १०, २०८० बिहिबार १६:२१:८ | उज्यालो सहकर्मी

काठमाण्डौ – शेयर बजार आज पनि घटेको छ । पछिल्लो पाँच दिनदेखि शेयर बजार ओरालो यात्रामा छ । शेयर बजार परिसूचक नेप्से आज २० दशमलव ७६ अङ्कले घटेर दुई हजार ५ दशमलव ८३ विन्दुमा झरेको छ । फाइनान्स र उत्पादन समूहको शेयर सामान्य बढे पनि अरु सबै समूहको शेयर घटेको छ ।

आज सबैभन्दा धेरै हिमालय उर्जा विकास कम्पनीको शेयर साढे सात प्रतिशत र बाराही हाइड्रोपावर कम्पनीको शेयर साढे ६ प्रतिशतले घटेको छ । समग्रमा बजार घटेकोे दिन आज समाज लघुवित्तको शेयर १० प्रतिशत तथा जोशी हाइड्रो र साम्लिङ पावर कम्पनीको शेयर झण्डै १० प्रतिशतले बढेको छ । आज ९५ लाख १८ हजार कित्ता शेयर तीन अर्ब २० करोड ६१ लाख रुपैयाँमा कारोबार भएका छन् ।

अन्तिम अपडेट: बैशाख १५, २०८१

शेयर बजार झण्डै २१ अङ्कले घट्यो, तीन अर्ब २० करोड रुपैयाँको कारोबार

तपाईको प्रतिक्रिया