काठमाण्डौ – ग्लोबल आइएमई बैंक लिमिटेडले काठमाण्डौको सरस्वती बहुमुखी क्याम्पसबाट नयाँ एक्सटेन्सन काउन्टर सञ्चालनमा ल्याएको छ । नयाँ काउन्टर सञ्चालनमा आएसँगै बैैंकका एक्सटेन्सन तथा राजश्व सङ्कलन काउन्टरहरुको संख्या ६७ पुगेको छ ।

सेवाग्राहीको बढ्दो चाप र आवश्कतालाई मध्यनजर गर्दै नयाँ एक्सटेन्सन काउन्टर सञ्चालनमा ल्याइएको बैंकले जनाएको छ । नयाँ एक्सटेन्सन काउन्टरबाट निक्षेप सङ्कलन, नगद भुक्तानी, मोबाइल तथा अनलाइन बैंकिङ्ग सेवा, रेमिट्यान्सको सुविधा लगायत सबै किसिमका साधारण बैंकिङ्ग सेवाहरु उपलब्ध हुनेछन् ।

ग्लोबल आइएमई बैंकको ७७ जिल्लामा शाखा छन् । सेवाग्राहीको मागलाई मध्यनजर गर्दै बैंकको ३५४ शाखा कार्यालय, ३७९ एटीएम, २७७ शाखारहित बैंकिङ्ग सेवा, ६७ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालय समेत गरी ११ सयभन्दा बढी सेवा केन्द्र रहेका छन् ।