काठमाण्डौ – सप्तरीमा पोखरीमा डुबेर एक बालिकाको ज्यान गएको छ । महादेवा गाउँपालिका वडा नम्बर ५ भगवतपुरका दिपु मण्डलकी छोरी १२ वर्षकी भुमिका कुमारी मण्डलको ज्यान गएको हो ।

घर नजिकै रहेको सार्वजनिक पोखरीमा डुबेर अशक्त भएकी बालिकाको गजेन्द्रनारायण सिंह अस्पताल राजबिराजमा उपचारको क्रममा ज्यान गएको जिल्ला प्रहरी कार्यालय सप्तरीले जनाएको छ ।

यस्तै गुल्मीको बडीगाड खोलामा माछा मार्ने क्रममा डुबेर एक जनाको ज्यान गएको छ । सत्यवती गाउँपालिका–६ खैरेनी का १४ वर्षीय युवराजदिन मियाँको डुबेर ज्यान गएको जिल्ला प्रहरी कार्यालय गुल्मीले जनाएको छ ।

हिजो दिउँसो माछा मार्न खोलामा गएका मियाँ घरमा नआएपछि खोज्ने क्रममा खोला किनारमा मृत अवस्थामा फेला परेका र घटनाबारेमा अनुसन्धान भैरहेको प्रहरीले जनाएको छ ।