ईपीएलमा अाज ललितपुर र भैरहवा खेल्दै

 पुस १, २०७५ आइतबार ७:४२:१६ | उज्यालो सहकर्मी
unn.prixa.net

एभरेष्ट प्रिमियर लिग क्रिकेट ईपीएलमा अाइतबार एउटा मात्रै खेल हुँदैछ ।

त्रिवि मैदान कीर्तिपुरमा दिउँसो १ बजे हुने खेलमा ललितपुर प्याट्रियोट्स र भैरहवा ग्लाडियटरर्स भिड्ने छन् । जारी प्रतियोगितामा ललितपुर शीर्ष स्थानमा रहँदा भैरहवा दोस्रो स्थानमा छ ।

ज्ञानेन्द्र मल्लकाे कप्तानीमा रहेको ललितपुर र शरद भेषावकरको कप्तानीको भैरहवा दुवै अाजको खेल जित्दै क्वालीफायर राउण्डमा प्रवेश गर्ने लक्ष्यका साथ मैदान उत्रने छन् ।

आज विजयी हुने टिम शीर्ष स्थानमा रहँदै सिधै क्वालीफायर राउण्ड खेल्नेछ । क्वालीफायर राउण्डमा विजयी हुने टिम फाइनलमा पुुग्दा पराजित हुने टिम एलिमिनेटर राउण्डमा खेल्ने छ ।
 

अन्तिम अपडेट: फागुन २२, २०७५

तपाईको प्रतिक्रिया