धनुषा - अन्तर प्रदेश परिषदको तेस्रो बैठक प्रधानमन्त्री तथा मन्त्रिपरिषदको कार्यालय सिंहदरबारमा सुरु भएकाे छ ।

परिषद बैठकमा प्रधानमन्त्री केपी शर्मा ओली, संघीय सरकारका मन्त्री तथा पाँच वटा प्रदेशका मुख्यमन्त्रीलगायतका उच्च पदस्थ सरकारी अधिकारी सहभागी छन् ।प्रदेश २ का मुख्यमन्त्री लालबाबु राउत र प्रदेश ३ का मुख्यमन्त्री डोरमणि पौडेल भने बैठकमा सहभागी छैनन् ।प्रदेश तीनका मुख्यमन्त्री डोरमणि पाैडेल राष्ट्रपति विद्यादेवी भण्डारीसँगै बीआरआई सम्मेलनमा सहभागी हुन चीन जानु भएकाे छ ।

प्रदेश २ का मुख्यमन्त्री लालबाबु राउत यस बैठकमा किन सहभागी हुनु भएन ? बहिष्कार नै गर्नुभायो कि भन्ने आशंका उब्जाएको छ । तर मुख्यमन्त्री राउत आज लहानमा जारी संघीय समाजवादी फोरम नेपालको प्रदेश २ अधिवेशनमा व्यस्त हुनु भएको छ । पार्टीको प्रदेश अधिवेशन चलिरहेको कारण मुख्यमन्त्री राउत बैठकमा सहभागी हुन नसकेको उहाँका  प्रेस संयोजक आतिश मिश्रले बताउनुभयो । सहभागी हुन नसकेको अन्य कुनै कारण नभएको उहाँको भनाइ छ ।