भाइको लागि भोकै बस्ने चिनियाँ छात्राको निधन

माघ १, २०७६ बुधबार ६:३४:३५ | एजेन्सी

काठमाण्डौ – आफ्नो भाइको मद्दत गर्न कैयौँ वर्षसम्म प्रत्येक दिन झण्डै २ युआनमा आफ्नो जीवन बिताउँदै आएकी कुपोषित छात्राको ज्यान गएको छ । चिनियाँ सञ्चारमाध्यमले यसबारेमा बताएका छन् ।

मात्र २० किलो तौल भएकी वु श्वायेनको गएको वर्ष एउटा तस्बिर सार्वजनिक भएको थियो, जसलाई देखेर चिनियाँ हैरान भएका थिए ।

सन् २०१९ को अक्टोबरमा श्वासप्रश्वासमा समस्या देखिएपछि उनलाई अस्पताल भर्ना गरिएको थियो । उनको मद्दत गर्न धेरै व्यक्तिहरु आए । गएको सोमबार उनको ज्यान गएको उनका भाइले बताए ।

‘बेइजिङ युथ डेली’ सँगको कुराकानीमा ती युवतीका भाइले उनी २४ वर्षको भएको बताए । समाचारमा भाइको पहिचान गरिएको छैन ।

डाक्टरहरुका अनुसार वु श्वासेन पाँच वर्षको उमेरदेखि नै निकै कम खाना खाइरहेकी थिइन्, जसका कारण उनको मुटु र मृगौलामा नराम्रो असर पर्‍याे ।

वु श्वासेन र उनका भाइले कैयौँ वर्षसम्म रोजी रोटीको लागि सङ्घर्ष गरे । श्वासेन चार वर्षको हुँदा उनकोआमाको निधन भयो र बुवाको निधन हुँदा उनी स्कुलमा पढ्दै थिइन् ।

वु श्वासेन र उनका भाइलाई पहिला उनीहरुको हजुरआमाले हेरचाह गरेकी थिइन् र पछि काका–काकीले संरक्षण गरे, जसले हरेक महिना जम्मा ३०० युआनमात्र दिन सक्दथे ।

यसमध्ये पनि धेरै रकम भाइको उपचारमा खर्च हुन्थ्यो । उनी मानसिक स्वास्थ्यसँग जोडिएको समस्यासँग पीडित थिए ।

पैसा बचाउनको लागि वु श्वासेनले आफ्नो लागि दिनमा जम्मा दुई युआन खर्च गर्न सुरु गरिन् र उनलाई अस्पताल पुर्याउँदा उनको लम्बाइ ४ दशमलव ५ इन्च थियो ।

डाक्टरहरुका अनुसार उनी यति धेरै कुपोषित भइसकेकी थिइन् कि उनको आँखी भौँको आधाभन्दा धेरै रौँ खसिसकेको थियो ।

यी भाइबहिनी गिजो प्रान्तमा बस्दै आएका थिए, जुन प्रान्तलाई चीनको सबैभन्दा गरिब प्रान्तमध्ये एक हो । यो विषयले चीनको गरिबीलाई फेरि एक पटक चर्चामा ल्याइदिएको छ ।

चीनको अर्थव्यवस्था गएको केही वर्षमा राम्रो भएको छ तर गरिबी भने समाप्त भएको छैन । नेशनल ब्यूरो अफ् स्ट्याटिक्सका अनुसार सन् २०१७ मा ३ दशमलव ४६ करोड ग्रामीण जनसङ्ख्या गरिबीको रेखामुनि जीवन बिताइरहेका छन् ।

चीनमा असमानता पनि निकै बढी छ । सन् २०१८ को अन्तर्राष्ट्रिय मुद्रा कोषको प्रतिवेदनअनुसार चीन ‘विश्वको असमानता भएको देशमध्ये एक’ थियो ।

वु श्वासेनको विषयमा एक पटक फेरि चिनीयाँ अधिकारीहरुमाथि प्रश्न उठाइएको छ । मानिसहरु सामाजिक सञ्जालमा उनीहरुको मद्दतको लागि किन पहल नगरिएको भनेर भनिरहेका छन् ।

धेरै जनाले युवतीको हिम्मतलाई सराहनीय भनेका छन् । कसरी उनले भाइको मद्दत गर्दै आफ्नो पढाइलाई निरन्तरता दिइन् भन्दै धेरैले विचार व्यक्त गरेका छन् ।

क्राउडफन्डिङ प्लेटफर्ममा धेरै व्यक्तिको मद्दतबाहेक उनका शिक्षक र सहपाठीहरुले ४० हजार युआन र स्थानीय ग्रामीणका व्यक्तिहरुले झण्डै ३० हजार युआन जम्मा गरेका थिए ।

उनको निधनअघि अधिकारीहरुले एक बयान जारी गर्दै वु श्वासेनलाई कम्तीमा सरकारी सब्सिटी मिलिरहेको र तीन सयदेखि सात सय युआनसम्म प्रति महिना दिइरहेको बताए । साथै आपतकालीन सहयोगको रुपमा २० हजार युआन दिएको बताए ।

चीनले सन् २०२० सम्म गरिबी समाप्त गर्ने लक्ष्य राखेको छ । यही महिनाको सुरुवातमा एउटा प्रान्तमा ८ करोडमध्ये जम्मा १७ जनामात्र गरिबीमा रहिरहेको आँकडा सार्वजनिक भएको थियो । यद्यपि यो आँकडालाई लिएर धेरैले प्रश्न उठाएका थिए ।

याे पनि पढ्नुस्

चीनको यस्तो प्रान्त जहाँ ८० लाख जनसंख्यामा जम्मा १७ जना मात्र गरिबीमा बाँच्छन् !

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्