अछाम - कैलालीको गौरीफन्टा नाकाबाट उद्धार गरेर अछाम ल्याइएका ३९ जनालाई सदरमुकाम मंगलसेनमा क्वारेन्टाइन स्थापना गरी राखिने भएको छ ।

सुदूरपश्चिम प्रदेश सरकारको समन्वय तथा प्रहरीको स्कर्टिंगमा अछाम ल्याइएका सबै स्थानीय तहका नागरिकलाई १४ दिनसम्म मंगलसेन नगरपालिकाको अगुवाईमा कृषि ज्ञान केन्द्र मंगलसेनमा क्वारेन्टाइन निर्माण गरी राख्न लागिएको अछामका प्रमुख जिल्ला अधिकारी पुण्यबिक्रम पौडेलले बताउनु भयो ।

उद्धार गरेर अछाम ल्याइसकेपछि सम्बन्धित पालिकामा पठाउँदा  घरमा जान्छन् कि भनेर सबै पालिकाका जनप्रतिनिधिसँग समन्वय गरेर मंगलसेनमै १४ दिनसम्म राख्न लागिएको उहाँले जानकारी दिनुभयो ।

कैलालीबाट आएको बस अछामको चौख्ट्टे नाका प्रबेश गरिसकेकाले अहीले मंगलसेन नगरपालिकाले क्वारेन्टाईन बन्ने भवन नजिकै हेल्थ डेस्क स्थापना गरिसकेको र क्वारेन्टाइनको ब्याबस्थापन कार्य जारी रहेको मंगलसेन नगरपालिकाको स्वास्थ्य शाखा संयोजक मान बहादुर सोडारीले जानकारी दिनु भयो ।