काठमाण्डौ - शुक्रबार राति थप नौ जनामा कोरोना भाइरस सङ्क्रमण पुष्टि भएको छ ।

योसँगै नेपालमा सङ्क्रमितको सङ्ख्या पाँच सय १६ पुगेको स्वास्थ्य तथा जनसङ्ख्या मन्त्रालयले जनाएको छ ।

राष्ट्रिय जनस्वास्थ्य प्रयोगशाला काठमाण्डौ, वीपी कोइराला स्वास्थ्य विज्ञान प्रतिष्ठान घोराही र किटजन्य रोग अनुसन्धान तथा तालिम केन्द्र हेटौँडामा गरिएको परीक्षणमा नौ जनामा सङ्क्रमण पुष्टि भएको हो ।

बाराको सिमरगढ नगरपालिकाका २२ वर्षीय युवक तथा २७,३०,३४,३८,४५ वर्षीय पुरुषमा सङ्क्रमण पुष्टि भएको हो । त्यस्तै मकवानपुरको हेटौँडा ३ की ५४ वर्षीया महिला, भक्तपुर ९ की ४२ वर्षीया महिला र सप्तरीको बलान-बिहुल गाउँपालिकाका ३५ वर्षीय पुरुषमा सङ्क्रमण पुष्टि भएको हो ।

सङ्क्रमितहरूको अवस्था सामान्य रहेको र उनीहरू सबै चिकित्सकको निगरानीमा रहेको मन्त्रालयले जनाएको छ ।

सङ्क्रमितमध्ये ७० जमा निको भएका छन् भने तीन जनाको ज्यान गएको छ ।