काठमाडाैं - नेत्रविक्रम चन्द विप्लव नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा फेरि पक्राउ परेका छन् । 

बिहीबार सर्वोच्च अदालतले प्रकाण्डलाई छाड्न आदेश दिएलगत्तै प्रहरीले अदालत परिसरबाटै दोश्रो पटक पक्राउ गरेको हो । यसअघि जबर्जस्ती चन्दा असुलेको आरोपमा पक्राउ परेका प्रकाण्डलाई सर्वोच्चले छाड्न आदेश दिएलगत्तै काभ्रेको क्रसर उद्योगमा विष्फोट गराएको आरोपमा पक्राउ गरिएको थियो । 

यसपटक पनि सर्वोच्चले विनाकारण थुनामा राखेको भन्दै छाड्न आदेश दिएलगत्तै फेरि प्रहरीले अदालतबाटै पक्राउ गरेको हो । यसपटक भने प्रहरीले गएको मंसिरमा भएको प्रतिनिधिसभा चुनावका क्रममा  नुवाकोटको ककनीमा कांग्रेस नेता डा. रामशरण महत चढेको जीपमा बम विष्फोट गराएको आरोपमा पक्राउ गरेको हो । 

प्रकाण्डलाई आजै नुवाकोट लगिएको छ । मंसिर १ गते विप्लव समूहले गराएको बम विष्फोटमा कांग्रेसका तीन जना कार्यकर्ता घाइते भएका थिए । 

जबर्जस्ती चन्दा असुलेको आरोपमा प्रहरीले गएको साउन २३ गते काठमाडौंको चाल्नाखेलबाट दुइजना सहयोगीसहित प्रकाण्डलाई पक्राउ गरेको थियो ।

याे पनि पढ्नुहाेस्
 

प्रकाण्डलाई पाँच दिन थुनामा राख्न अदालतकाे अनुमति, प्रकाण्ड भन्छन्: रातभर सुत्नै दिएनन्

प्रकाण्डलाई थप ३ दिन थुनामा राख्न जिल्ला अदालतको आदेश

रिहा भएलगत्तै किन पक्राउ परे प्रकाण्ड ?

प्रकाण्डको मुद्धामा तीन दिनको म्याद थप